قازاقستاندىق ءانشى، بۇرىنعى ابك توبىنىڭ ءانشىسى ەرلان كوكەيەۆ Bek Air كومپانياسىن سوتقا بەرمەك،دەپ جازادى Qamshy.kz اقپارات اگەنتتىگى. 

بۇل جايىندا ءانشى ءوزىنىڭ Facebook پاراقشاسىندا جازدى.

"بۇگىن تاڭەرتەڭ الماتى قالاسىنا كەلىپ قوندىق. ءدال وسىلاي (سۋرەتتەگىدەي رەد.) ءوز اسپاپتارىمىزدى الدىق. 25 جىلدىق گاسترولدىك ساپارىمنىڭ ىشىندە ءبىرىنشى رەت اسپاپتاردى وسىنداي قالپىندا الىپ تۇرمىز. بۇل جاي عانا اسپاپتار ەمەس! باعالى مۋزىكالىق اسپاپتار! سىرتىندا «ابايلاڭىز، اينەك» دەگەن جازۋ بولا تۇرا وسىنداي جاعداي بولدى".

سونىمەن قاتار، ءانشى اسپاپتاردى الا سالىسىمەن كومپانيا وكىلدەرىن ىزدەگەنى تۋرالى جازدى. 

«ءبىز اۋەجايدا Bek Air كومپانياسىن وكىلدەرىن تالاپ ەتتىك. ال ورنىندا بىردە ءبىر Bek Air كومپانياسىنىڭ وكىلى بولعان جوق. ءبىز ولاردىڭ كەڭسەلەرىنە بارعاندا، كۇزەتشى بۇگىن دەمالىس ەكەنىن، كەڭسەدە ەشكىمنىڭ جوق ەكەنىن جانە ەشقانداي كومەك بەرە المايتىنىن ايتتى» دەپ جازدى ءانشى.

«ادۆوكاتپەن اقىلداسا وتىرىپ، ءبىز پوليسيا شاقىردىق جانە اۋەجايدىڭ قاۋىپسىزدىك قىزمەتىمەن بىرگە اتالعان ءىستى سۋرەتتەرمەن ناقتىلادىق. ەندى سوتقا Bek Air كومپانياسىنىڭ ۇستىنەن مورالدى شىعىن كەلتىرگەنى ءۇشىن ارىز تۇسىرمەكپىز"،-دەپ جازدى ەرلان كوكەيەۆ.