باتىستاعى ءوزىن ءبىلىمدىمىن دەپ سانايتىن قاۋىمنىڭ بەتحوۆەندى، موسارتتى، شوپەندى بىلمەۋى مۇمكىن بە؟ نەمىستىڭ ءبىر بەلگىلى ساياساتكەرى، كاسىپكەرى موسارت دەگەن كىم دەگەن سۇراققا جاۋاپ بەرە الماسا ۇلكەن ماسقارا بولار ەدى عوي؟ ءتىپتى بولماعاندا « كومپوزيتور بولعان» دەپ ايتا الماسا!
ال سونداي ءبىر بەلگىلى وركەنيەتى دامىعان باتىستىڭ ادام پوۆوروتتي كىم، ماريا كاللاس، كارۋزو كىم دەگەن سۇراققا 1بىلمەيمىن، فۋتبوليست پە6 بوكسەر مە" دەپ جاۋاپ بەرۋى مۇمكىن بە؟ وندا ول ادام ءوزىن ساۋاتتىمىن دەپ ايتا الار ما ەدى؟ ولاي جاۋاپ بەرگەن ءوزىن ەليتا ساناپ جۇرگەن ادام ەلدىڭ بەتىنە قاراي الماستاي ماسقارا بولار ەدى!
ال ءبىزدىڭ ەلدىڭ الدىندا جۇرگەن ساياساتكەر، كاسىپكەر قازاقتاردان: ءبىرجان سال كىم؟ اقان سەرى كىم؟ اسەت پەن كەمپىرباي كىم دەپ سۇراساڭ قانشاسى جاۋاپ بەرە الادى؟ سۇگىر مەن داۋلەتكەرەيدى، ىقىلاس پەن قورقىتتى، قايسىسى اجىراتا الادى؟ ءبىزدىڭ سول دۇلدۇلدەرىمىز باتىستىڭ كومپوزيتارلارىنان قاي جەرى كەم ەدى؟؟
امىرە مەن جۇسىپبەك، عاريفوللا مەن مادەنيەتتەردىڭ اندەرىن، قازىرگى كەزدە سولاردىڭ ءىزىن باسىپ، كوزىندەي بولىپ كەلە جاتقان عالامات انشىلەرىمىز ەركىن شۇكىمان، ەرلان تولەۋتاي مەن ەرلان رىسقالي، رامازان سياقتى باۋىرلارىمىزدىڭ اندەرىن قايسىسى تىڭدايدى، فانەرامەن ايتاتىن ارزان انشىلەردىڭ استارىندا قالدىردىق ڭاعىز بەكزات كلاسسيكالىق ونەرىمىزدى بەن ناعىز انشىلەرىمىزدى كىم باعالايدى؟
قازىرگى زاماننىڭ تەحنولوگياسى قولىمىزدا، قۇدايعا شۇكىر، قازاقتاردىڭ قولىندا. قانى بار قازاقتار، ۇرپاعىن، بولاشاعىن ويلايتىن قازاقتار قولىنان كەلگەنشە وسى كلاسسيكالىق (ءداستۇرلى) ونەرىمىزدى العا سۇيرەيىك دەگىم كەلەدى. تۆ دا، جۇلدىزدار وتباسى سياقتى، باسقا اقپارات قۇرالدارىنىڭ قۇلاعىن ۇستاعان قانداستارىمىزعا جانە جالپى توي جاسايتىن قازاق اعايىنعا ناز: تويلارىڭىزعا فانەرامەن جازىپ العان، 2-3 نوتادان تۇراتىن ارزان انشىلەردى ەمەس ناعىز ونەر يەلەرىن شاقىرىڭىزدار، اسپەتتەڭىزدەر، ۇرپاقتارىڭىزعا ناسيحاتتاڭىزدار!! ناعىز جۇلدىزدار سولار! قالعان فانەرامەن ايتىپ جۇرگەندەر ارزان، ءبىرازدان سوڭ قۋاتى ءبىتىپ قالاتىن بالاۋىز شامدار!
ناعىز ساپالى اندەر عاسىرلار تەزىنەن ءوتىپ، وسى كۇنگە جەتكەن ءبىزدىڭ بابالارىمىزدان قالعان اسىل اندەر مەن كۇيلەر! ولار دا، سول اندەر مەن كۇيلەردى جوعارى دەڭگەيدە ورىنداپ قازىرگى دۇلدۇلدەرىمىز قازىرگى باعالاپ جۇرگەن داڭعىرلاقتان ءجۇز ەسە قىمبات تۇرۋى كەرەك!
چيپ چيپ، اۋىرمايدى جۇرەك، اسپانعا قارايمىن 1000 دوللار تۇرسا، جوعارىدا ايتقان انشىلەرىمىز 10 000 دوللار تۇرۋى كەرەك! بيىك پەنەن الاسانىڭ شەكاراسىن اداستىرىپ المايىق اعايىن!
(احمەتبەك نۇرسيلانىڭ فەيسبۋكتەگى پاراقشاسىنان)
