رەسپۋبليكانىڭ بارلىق اۋماعىندا انتيسيكلون ساقتالادى. كەي جەرلەردە جەل كۇشەيىپ، تۇمان تۇسەدى، رەسپۋبليكانىڭ وڭتۇستىگىندە كوكتايعاق بولىپ، شىعىستا بۇرقاسىن بولۋى ىقتيمال، دەپ حابارلايدى Qamshy.kz اقپارات اگەنتتىگى «قازگيدرومەت» رمك-عا سىلتەمە جاساپ.

وڭتۇستىك قازاقستان، قىزىلوردا وبلىستارىنىڭ كەي جەرلەرىندە تۇمان ءتۇسىپ، كوكتايعاق، جىلدامدىعى 15-20 م/س بولاتىن جەل تۇرادى.

شىعىس قازاقستان وبلىسىنىڭ كەي جەرلەرىندە تۇمان ءتۇسىپ، بۇرقاسىن بولادى، جىلدامدىعى 15-20 م/س بولاتىن جەل بولۋى ىقتيمال.

الماتى وبلىسىنىڭ جالاڭاشكول اۋدانىندا جەلدىڭ ۇيىتقۋى - 20-25 م/س، تۇندە كەي جەرلەردە تۇمان ءتۇسۋى مۇمكىن.

جامبىل، اقمولا وبلىستارىنىڭ كەي جەرلەرىندە تۇندە جەل كۇشەيەدى (15-20 م/س)، جامبىل وبلىسىنىڭ كەي جەرلەرىندە تۇمان ءتۇسۋى ىقتيمال.

قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە تۇمان تۇسەدى دەپ بولجانۋدا.

الماتى وبلىسىندا قاتتى اياز ساقتالادى، جامبىل، ماڭعىستاۋ وبلىستارىنىڭ كەي جەرلەرىندە دە كۇشتى بولادى دەپ كۇتىلۋدە.