عالىمدار وسكەمەن قالاسىنداعى قورشاعان ورتا جاعدايىنا باعا بەرۋ ءۇشىن قالا تۇرعىندارىنىڭ شاشىن زەرتتەدى، دەپ حابارلايدى Qamshy.kz اقپارات اگەنتتىگى رەسەيدەگى تومسك مەملەكەتتىك ۋنيۆەرسيتەتى سايتىنىڭ دەرەگىنە سۇيەنىپ.  

تالداۋ ناتيجەلەرى بويىنشا، وسكەمەندىكتەردىڭ شاشىندا جوعارى مولشەردە تيتان كونسەنتراتى، قورعاسىن جانە بىرنەشە اۋىر مەتالداردىڭ تۇرلەرى بار ەكەنى انىقتالعان.

اتالعان ۋنيۆەرسيتەتتە جاسالعان زەرتتەۋگە حيميا فاكۋلتەتى قىزمەتكەرلەرىنىڭ اۆتورلىق ادىستەمەلەرى قولدانىلعان. 

«ءبىزدىڭ زەرتتەۋ 18-70 جاس ارالىعىنداعى ايەل جانە ەر ازاماتتاردىڭ شاشتارىنا جاسالدى. شاشتىڭ  قۇرامى ادامعا اسەر ەتەتىن جوعارى مولشەردەگى حيميالىق ەلەمەنتتەردىڭ قوسپالارىن جاقسى كورسەتەدى. تالداۋ ناتيجەلەرى قالا تۇرعىندارىنىڭ شاشىنان تيتان، اليۋمينيي، مارگانەس، ليتيي، كالسيي جانە باريي ەلەمەنتتەرىن كورسەتتى»، - دەيدى عالىم ۆلاديمير وتماحوۆ.