قازاقستاننىڭ باسىم بولىگى انتيسيكلون اسەرىندە بولادى، سوندىقتان جاۋىن-شاشىنسىز اۋا رايى ساقتالادى. رەسپۋبليكانىڭ باتىس ايماقتارىنا فرونتالدى بولىكتەر جىلجيدى،  كەي جەرلەرىندە قار، جاياۋ بۇرقاسىن، كوكتايعاق كۇتىلەدى. بۇل تۋرالى Qamshy.kz اقپارات اگەنتتىگى قازگيدرومەتكە سىلتەمە بەرىپ حابارلايدى.

     الماتى وبلىسىنىڭ جالاڭاشكول اۋدانىندا جەل 24-29 م/س ساقتالادى. جامبىل وبلىسىنىڭ كەي جەرلەرىندە تۇمان، جەلدىڭ كۇشەيۋى 15-20، ەكپىنى 23 م/س كۇتىلەدى. قىزىلوردا، ماڭعىستاۋ وبلىستارىنىڭ كەي جەرلەرىندە تۇمان ساقتالادى، ماڭعىستاۋ وبلىسىندا كوكتايعاق كۇتىلەدى. باتىس قازاقستان، اقتوبە، كۇندىز قوستاناي وبلىستارىنىڭ كەي جەرلەرىندە جاياۋ بۇرقاسىن،  اقتوبە وبلىسىنىڭ كەي جەرىندە تۇمان كۇتىلەدى. اتىراۋ وبلىسىنىڭ كەي جەرلەردە جاياۋ بۇرقاسىن، تۇمان، كوكتايعاق كۇتىلەدى. قاراعاندى، شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، شىعىس قازاقستان وبلىسىنىڭ كەي جەرلەرىندە تۇمان كۇتىلەدى.

     الماتى وبلىسىنىڭ كەي جەرلەرىندە قاتتى اياز ساقتالادى.