25 اقپاندا ەليزابەت ريەۆول نانگاپاربات-قا كوتەرىلىپ ەسىمى تاريحتا قالدى. الايدا، قۋانىش قايعىلى جاعدايعا ۇلاستى.

شىڭعا جەتكەندە فرانسۋزدىق ەليزابەت ريەۆولدىڭ سەرىكتەسى پولياك الپينيست تومەك ماسكيەۆيچ ءوزىن ناشار سەزىنىپ، كوزى كورمەي قالعان، تىنىسى تارىلىپ، قان قۇسقان، ءالى كەتكەندىكتەن سول جەردە تۇنەۋگە تۋرا كەلدى. ءبىراق تومەك تومەنگە سول كۇيى تۇسە المادى. ەليزابەتتىڭ ونى 7200 مەتر بيىكتە قاتتى سۋىقتا، داۋىلدا قالدىرۋىنا تۋرا كەلدى.

ەليزابەت ريەۆول 40-گرادۋس سۋىقتا ەكى كۇن دالادا قونعان. وسى ەكى كۇندە گالليۋسيناسياعا، سۋىققا، السىرەگەنىنە قاراماستان 2 شاقىرىمعا ءتۇسىپ ۇلگەردى. وندا ەليزابەتتى قۇتقارۋشىلار تاۋىپ الدى.

- تىكۇشاق ءبىزدى 4800 مەتر بيىكتىككە ءتۇسىرىپ كەتتى. بۇعان دەيىن ەشكىم مۇنداي بيىككە قونعان ەمەس، - دەيدى قۇتقارۋشىلاردىڭ ءبىرى دەنيس ۋرۋبكو.

فرانسۋز ايەلىنىڭ قولى، اياعى ۇسكەن. اسىرەسە سول اياعى قاتتى زاقىمدانعان. تۇندە ەليزابەت سول اياعىنداعى اياق كيىمدى شەشىم تاستاعان. ونىڭ كوزىنە ول اياق كيىمىن ىستىق شايعا ايىرباستاعانداي كورىنگەن. بەس ساعاتتان كەيىن ەسىن جيعاندا ىستىق شاي كوزىنە ەلەستەگەنىن تۇسىنگەن.

ەليزابەت تۇماندا بيىككە كوتەرىلگەندە تومەك كۇننەن قورعايتىن ماسكانى كيمەگەن. شىڭعا شىققاندا كوزى مۇلدە كورمەي قالعانىن ايتقان.  جىلعاعا دەمالۋعا تۇسكەندە توماكتىڭ مۇرنى مەن قولى ۇسكەنىن بايقاعان. سونىمەن قاتار، توماك ارەڭ دەمالىپ، قان قۇسقان. تاۋدىڭ بيىك شىڭىنا جەتكەندە كوپ ادامنىڭ وكپەسى زاقىمدانادى. شۇعىل مەديسينالىق كومەك كورسەتىلمەسە ءتىرى قالۋى ەكى تالاي.

ەليزابەت ءوز ءومىرىن امان الىپ قالۋ ءۇشىن اۋىر ءارى سۇمدىق شەشىم قابىلداۋىنا تۋرا كەلدى. ەليزابەت توماكتى سول جەردە جالعىز قالدىرۋعا ءماجبۇر بولدى. بۇل شەشىم - ونىڭ ءوىمىر ساقتاپ قالدى.