2017 جىلى قازاقستان ەكونوميكاسى 4 پايىزعا وسكەن. بۇل تۋرالى پرەمەر-مينيستر باقىتجان ساعىنتايەۆ الماتىدا ءوتىپ جاتقان ەۋرازيالىق ۇكىمەتارالىق كەڭەستىڭ وتىرىسىندا مالىمدەدى، دەپ حابارلايدى Qamshy.kz اقپارات اگەنتتىگى.

سونىمەن قاتار ۇكىمەت باسشىسى ەۋرازيالىق ەكونوميكالىق وداقتىڭ ىسىندە ىلگەرىلەۋ بارىن اتاپ ءوتتى.

– بىلتىر ەۋرازيالىق ەكونوميكالىق وداق ەلدەرى اراسىنداعى تاۋار اينالىمى 15،6 ميلليارد تەڭگەگە جەتتى، ياعني 27 پايىزعا ارتتى، - دەدى باقىتجان ساعىنتايەۆ.

جيىنعا ءتوراعالىق ەتىپ وتىرعان رەسەي پرەمەر-مينيسترى دميتريي مەدۆەديەۆ باسقوسۋدى جوعارى دەڭگەيدە ۇيىمداستىرعانى ءۇشىن قازاقستان تاراپىنا العىس ايتتى.

ەۋرازيالىق ۇكىمەتارالىق كەڭەستىڭ كەزەكتى وتىرىسىنا ق ر پرەمەر-مينيسترى باقىتجان ساعىنتايەۆ، ارمەنيا پرەمەر-مينيسترى كارەن كاراپەتيان، بەلارۋس پرەمەر-مينيسترى اندرەي كوبياكوۆ، قىرعىزستان پرەمەر-مينيسترى ساپار يساقوۆ، رەسەي پرەمەر-مينيسترى دميتريي مەدۆەديەۆ جانە ەۋرازيالىق ەكونوميكالىق كومياسسيانىڭ ءتوراعاسى تيگران  ساركيسيان قاتىسىپ جاتىر.