بۇگىن قازاقستاننىڭ حالىق جازۋشىسى، تاريحشى،  فيلولوگيا عىلىمدارىنىڭ دوكتورى مۇحتار ءماعاۋيننىڭ تۋعان كۇنى، دەپ حابارلايدى Qamshy.kz اقپارات اگەنتتىگى. 

1940 جىلى شىعىس قازاقستان وبلىسى اياگوز اۋدانىندا تۋعان قازاق حالقىنىڭ ماڭدايىنا بىتكەن بىرەگەي جازۋشى بيىل جەتپىس سەگىز جاسقا تولىپ وتىر.  

مۇحتار ماعاۋين «قازاق ادەبيەتى» گازەتىنىڭ ءبولىم مەڭگەرۋشىسى، «جازۋشى» باسپاسى، «جالىن» جۋرنالى باس رەداكتورلارىنىڭ ورىنباسارى، ادەبيەت ينستيتۋتى جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ اعا عىلىمي قىزمەتكەرى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ اعا وقىتۋشىسى، دوسەنتى، «جازۋشى» باسپاسىنىڭ، «جۇلدىز» جۋرنالىنىڭ باس رەداكتورى قىزمەتتەرىن اتقارعان.

 «كەشقۇرىم» اتتى العاشقى اڭگىمەسى 1964 جىلى «جۇلدىز» جۋرنالىندا جاريالانعان.

«اقشا قار»، «ءبىر اتانىڭ بالالارى»، «قيانداعى قىستاۋ»، «كوك كەپتەر» پوۆەستەر مەن اڭگىمەلەر جيناقتارىنىڭ، «كوك مۇنار»، «شاقان شەرى» رومانداردىڭ، «الاساپىران» رومان-ديلوگيانىڭ، «قوبىز سارىنى» اتتى مونوگرافيانىڭ، «عاسىرلار بەدەرى»، «قازاق تاريحىنىڭ الىپپەسى» عىلىمي-زەرتتەۋ ەڭبەكتەرىنىڭ، «قازاق حاندىعى داۋىرىندەگى ادەبيەت» وقۋلىقتارىنىڭ، حرەستوماتيا جانە باسقا دا وقۋ قۇرالدارىنىڭ اۆتورى.

«الداسپان»، «بەس عاسىر جىرلايدى»، «اي زامان-اي، زامان-اي» اقىن-جىراۋ شىعارمالارى جيناقتارىنىڭ انتولوگياسىن قۇراستىرعان.