رەسەي فەدەراسياسىنىڭ ياكۋتسك قالاسىندا ءۇشىنشى اقپاندا ءۇش جاستاعى بالا اياعى ءۇسىپ اۋرۋحاناعا جەتكىزىلگەن. -36 گرادۋستا اياق كيىمسىز كوشەدە جۇرگەن  بالاعا  ەكىنشى دارەجەلى ۇسىك شالۋ دياگنوزى قويىلعان . بۇل جايىندا ريا نوۆوستي حابارلايدى.

ءۇش جاستاعى بالاسىن تۋىسىنا قالدىرىپ بالانىڭ اناسى دۇكەنگە كەتكەن. ارتىنشا ەر ادام دا بالانى ۇيدە  قالدىرىپ، ءوزى شىعىپ كەتەدى. جالعىز قالعان بالا سىرت كيىمسىز جانە اياق كيىمسىز پاتەردەن شىعىپ كەتكەن. ونى ءوتىپ بارا جاتقان تۇرعىندار بايقاپ، بالا تۇراتىن كوپقاباتتى ءۇيدىڭ ىشىندەگى دۇكەنگە الىپ بارعان.

بالا جەدەل مەديسينالىق كومەك ورتالىعىنىڭ كۇيىك بولىمىندە جەتكىزىلگەن.

تەرگەۋ جۇمىستارى باستالىپ، وقيعا بولعان كەزدە بالاعا جاۋاپتى بولعاندارعا قۇقىقتىق باعا بەرىلمەك.

سينوپتيكتەردىڭ ايتۋىنشا، 3 اقپاندا ياكۋتيادا كۇندىز اۋا تەمپەراتۋراسى – 36 گرادۋستى كورسەتكەن.