الماتىداعى اتاۋى جاقىندا عانا وزگەرگەن نازاربايەۆ داڭعىلىنا جوندەۋ جۇمىستارى جۇرگىزىلىپ، جانسۇگىروۆ كوشەسىنە دەيىن ۇزارتىلاتىن بولدى. بۇل تۋرالى الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باستىعى ماقسۇت يساحوۆ ايماقتىق بايلانىس قىزمەتىندەگى باسپا ءسوز كونفەرەنسياسىنان كەيىن ايتتى، دەپ حابارلايدى Today.kz-كە سىلتەمە بەرىپ Qamshy.kz اقپارات اگەنتتىگى.

بيىل الماتىداعى 89 كوشەگە جوندەۋ جۇمىستارى جۇرگىزىلەدى. 

"قالانىڭ الەۋەتىن كوتەرۋ ءۇشىن ءبىز كولىك جولدارىن سالىپ جاتىرمىز. مىسالى، 2017 جىلى اباي داڭعىلىن اۋەزوۆ كوشەسىنەن باستاپ قالا سىرتىنداعى "قالقامان" ىقشام اۋدانىنا دەيىن سوزىپ، قولدانىسقا بەردىك. ءقازىر نازاربايەۆ داڭعىلىنىڭ تەمىرجولى ارقىلى جانسۇگىروۆ كوشەسىنە دەيىنگى ۇزارتۋ جۇمىستارى جوبالانىپ جاتىر"، - دەيدى ماقسۇت يساحوۆ. 

كولىك قوزعالىسى كوپ بولاتىن جاروكوۆ، زورگە، ماركوۆ، مۇستافين، سولتۇستىك شەڭبەر، اباي، ماقاتايەۆ، ياسساۋي، گاگارين، نازاربايەۆ، مايلين، ءشارىپوۆ، بايتۇرسىنوۆ، قابانباي باتىر جانە جامبىل كوشەلەرىنە دە جوندەۋ جانە قالپىنا كەلتىرۋ جۇمىستارى جاسالادى.

سونداي-اق ماقسۇت يساحوۆ 2017 جىلى الماتىدا 184 شاقىرىم كوشە جوندەلگەنىن ايتتى.