الەمدە تۇسىندىرۋگە كەلمەيتىن ءتۇرلى وقيعالار ورىن الىپ جاتادى. عالىمداردىڭ ءوزى وعان كەيدە عىلىمي تۇسىنىكتەمە بەرە المايدى.
2012 جىلى كوپ ەلدە ەستىلگەن دىبىس
2012 جىلى بىرنەشە ەل تۇرعىندارى ءبىر ۋاقىتتا تۇسىنىكسىز داۋىس ەستىگەن. الەۋمەتتىك جەلىدە دە ءبىر ۋاقىتتا جەردىڭ تۇكپىر-تۇكپىرىنەن ادامنىڭ شىڭعىرعان داۋسىنا ۇقساس دىبىستى كامەراعا ءتۇسىرىپ جاريالاپ جاتقانداردىڭ سانى كوبەيە باستادى. ەڭ العاش تۇسىنىكسىز دىبىستى كانادادا ەستىگەن. وسىدان كەيىن فينليانديا، ۋكراينا، رەسەي جانە ورتالىق امەريكادا سوعان ۇقساس ۆيدەو جاريالاندى.
جولداعى وقيعا
بۇل وقيعا اۆستراليادا بولدى. كولىكتە ورناتىلعان رەگيستراتورعا بەلگىسىز جاننىڭ جول بويىندا قوزعالىسسىز تۇرعانى ءتۇسىپ قالعان. ەر ادام ايەلىمەن تۇنگى بىرلەر شاماسىندا كولىكپەن كەتىپ بارا جاتقان. سول ۋاقىتتا ءبىر ادامنىڭ قوزعالىسسىز تۇرا قالعانىن بايقايدى. جۇرگىزۋشى ادامدى اينالىپ وتپەك بولعاندا ول كولىككە قاراي جۇگىرىپ، ءبىرتۇرلى دىبىس شىعارادى. ەرلى زايىپتى قورىققاننان جىلدامدىقتى كوبەيتىپ، پوليسياعا حابارلاسقان. الايدا، ىزدەۋ جۇمىستارى ەش ناتيجە بەرمەدى.
جولداعى بەيمالىم ماقۇلىق
بۇل ۆيدەودا جۇرگىزۋشى جولدا كەلە جاتىپ كامەرانى اق ءتۇستى بەينەگە قاراتادى. بەلگىسىز ماقۇلىق اقساڭداپ جۇرگىزۋشىگە قاراي بەت الادى. ۆيدەودان جۇرگىزۋشىنىڭ قورىققاننان ايقايلاعان داۋىسىن ەستۋگە بولادى. ەر ادام قايتا ارتقا قاراي جۇرۋگە ءماجبۇر بولعان.
پىكىر قالدىرۋ