ءۇندىستاندا كامەلەت جاسقا تولماعانداردى ۇرلاپ، جەزوكشەلىكپەن اينالىسۋعا ماجبۇرلەيتىن جاعدايلار وتە ءجيى كەزدەسەدى. ولاردى ءبىر كۇندە 10 ادامعا قىزمەت كورسەتۋگە ماجبۇرلەيدى، ۇرىپ-سوعادى. قورلىقتان قۇتىلا العانداردىڭ اراسىندا ۆيچ اۋرۋىن جۇقتىرىپ، پسيحولوگيالىق اۋرۋعا شالدىعىپ جانە جۇكتى بولىپ كەلەتىندەر از ەمەس. فوتوگراف سەرگەي سترويتەليەۆ جەڭگەتايلاردان ءجابىر كورگەندەرگە كومەك كورسەتىپ، ۋاقىتشا باسپانامەن قامتاماسىز ەتەتىن ءۇندىستاندىق Rescue  Foundation ۇيىمىنا بارىپ، فوتو رەپورتاج جاسادى.

بەلگىسىز ادامدار 14 جاستاعى دانەشيدى 2 جىل بۇرىن مەكتەپكە بارا جاتقان جولدا ۇرلاپ اكەتكەن. ءبىر جىلعا جۋىق ونى مۋمبايداعى جەزوكشەلەر ۇيىندە ۇستاعان. دانەشيدەن بولەك وندا 50 ايەل بولعان. ولاردىڭ بارلىعىنا ۇزدىكسىز كليەنتتەر قابىلداۋعا ماجبۇرلەگەن. پوليسەيلەر تەكسەرۋ بارىسىندا دانەشيدى  قۇتقارىپ، بويسار قالاسىنداعى Rescue Foundation ۇيىمىنا اكەلگەن.

Rescue Foundation-دە باستان وتكەرگەن اۋىر جاعدايدان كەيىن پسيحيكالىق اۋرۋلارعا ۇشىراعاندار ءۇشىن عيمارات بار. ولاردىڭ اراسىندا 10-12 جىل بويى جەزوكشەلەر ۇيىندە تۇرعاندار بار.

كەيبىر ايەلدەر ۇيىمعا جۇكتى بولىپ كەلەدى. كوبىنىڭ جاسى 14-كە دە تولماعان. بالاسى جوق قىزدار ولاردىڭ بالالارىن ويناتىپ، كومەكتەسەدى. كەيدە ايەلدەر ۆيچ اۋرۋىنا شالدىققانىن بىلمەي بالالارىنا اۋىر دەرتتى جۇقتىرىپ جاتادى. ءقازىر كانديەۆاليدە وسىنداي 6 قىز تۇرادى.

ءامينانىڭ جاسى 16-دا. ونى تۋعان اكەسى 6 جىل بۇرىن ءامينا 10 جاسقا تولعاندا جەزوكشەلەر ۇيىنە ساتىپ جىبەرگەن. ءامينانىڭ اتا-اناسى ەسىرتكىگە تاۋەلدى بولعان. ول ۇيىنەن كەتكەنىنە قۋانعان. الايدا، الدا نە كۇتىپ تۇرعانىنان مۇلدە بەيحابار ەدى. ءامينا 5 جىل جەزوكشەلەر ۇيىندە تۇردى. ونى ءبىر جىل بۇرىن پوليسەيلەر جەڭگەتايلاردان قۇتقارىپ، ۇيىمعا الىپ كەلگەن. ءامينا باستان وتكەن سۇمدىق جاعدايدان كەيىن سويلەمەيتىن بولعان.  

بويسارداعى Rescue Foundation ۇيىمىنىڭ ءجابىر كورگەن قىزدار تۇراتىن عيماراتتىڭ سىرتقى كورىنىسى. عيماراتتى قارۋلانعان كۇزەتشىلەر ەكى يتپەن كۇزەتەدى. سونىمەن قاتار، عيمارات تىكەندى سىممەن قورشالعان. مۇنداي ساقتىق شارالارى قىزداردى قايتا ۇرلاپ اكەتپەۋى ءۇشىن جاسالعان.

1999 جىلى اتالمىش ۇيىم اشىلعاندا قۇتقارىلعان قىزداردى ۇرلاپ قايتا جەزوكشەلەر ۇيىنە الىپ كەتكەن جاعدايلار كوپ بولعان. جوعالعان قىزدى تابۋ مۇمكىن ەمەس ەدى. سەبەبى ءۇندىستاندا 50 مىڭ جەزوكشەلەر ءۇيى بار. جەڭگەتايلىقپەن 25 ميلليون ادام اينالىسادى.