جاقىندا ەلورداسى استانادا وتكەن قازاق سايتتارى رەداكتورلارىنىڭ جينالىسىنا «قامشى» پورتالى دا قاتىسىپ،  ءتيىستى ۇسىنسىتارىن ورتاعا سالدى.

«عالامتور شەكارامەن شەكتلەمەيدى. سوندىقتان قازاق سايتتارى تۋرالى اڭگىمە ەڭ الدىمەن الەمدەگى 15 ميلليون قازاقتىڭ اڭگىمەسى. ءبىز ماسەلەنى وسى تۇرعىدان ويلانۋىمىز كەرەك. لاتىن الىپبيىنە كوشەتىن ءسۇيىنشىلى حاباردى ەستىگەندە شەكارانىڭ سىرتىندا جاتقان 5 ميلليون قازاقتىڭ الاقايلاعانى دا سوندىقتان. دەگەنمەن لاتىن الىپبيىنە كوشۋدىڭ ءبىراز بارىستى باستان كەشىرەتىنىن ەسكەرسەك، ەڭ الدىمەن قازاق سايتتارىنا ءۇش الىپبيلىك جوبانى ەنگىزۋگە ءتيىسپىز. سوندا عانا جۇيەلى، ساتىلى تۇردە الەمدەگى بار قازاقتىڭ ءبىر تۇتاس ورتاق ءالىپبيدى قابىلداۋىنا قول جەتكىزەمىز. اسىرەسە اقپاراتتىق تەحنولوگيانى جەتىك مەڭگەرگەن قىتايداعى ءبىر جارىم ميلليون قازاق ءۇشىن قازاقستانداعى باستى اقپاراتتىق سايتتارعا توتە جازۋ باعدارلاماسىن قويۋدى كەشىكتىرمەي باستاۋىمىز كەرەك. ال لاتىن ءالىپبيى تۋرالى ەكى-اق ماسەلەنى ايتقىمىز كەلەدى. ءبىرىنشى، لاتىن ءالىپبيىنىڭ ۇكىمەت قابىلداعان جوباسى بيىلدان قالماي، ءتىپتى جاقىن ارادا جاريالانۋ كەرەك. سونىڭ ناتيجەسىندە قازاق سايتتارىنىڭ ءبىر ىزدىلىگىن ساقاتۋىمىزعا بولادى. ەكىنشىدەن، التىن ءالىپبيى ءتىل تاقتادان تىس ارىپتەردەن اۋلاق بولعانى ءجون».

 «قامشى» پورتالىنىڭ بۇل ۇسىنسى  ناتيجەسىز بولعان جوق. ەڭ باستىسى، اتاجۇرتتاعى باس سايتتار كوپ ۇزاماي توتە جازۋ نۇسقاسىن قوسۋعا ءسوز بەردى. ونىڭ قاتارىندا «اباي   abai.kz »، «ب ا ق  baq.kz »، «قازاقستان  Kaztrk.kz » تەلەارناسى سىندى قازاق ەلىنىڭ ەڭ ۇلكەن اقپارات كوزدەرى بار. قۇداي قالاسا قىتايداعى قانداستارىمىزدىڭ بيىلدان قالماي قازاقستان جاڭالىقتارىن ەش كەدەرگىسىز وقۋلارىڭىعا مۇمكىندىك تۋادى!