«اسىل ميراس» قايىرىمدىلىق قورى كوكشەتاۋ قالاسىنداعى وبلىستىق پەريناتالدىق ورتالىققا، پەرەزەنتحانالارعا اسا قاجەت، زاماناۋي قۇرال جابدىقتى تەگىن سىيعا تارتتى. قايىرىمدىلىق ءىس شاراسىنا اقمولا وبلىسى اكىمىنىڭ ورىنباسارى ن.نۇركەنوۆ،دەن ساۋلىق باسقارماسىنىڭ باستىعى ح.تاشمەتوۆ، «اسىل ميراس» قايىرىمدىلىق قورىنىڭ ديرەكتورى م. ايتماعان بەت وۆتەر قاتىستى.
«اسىل ميراس» قايىرىمدىلىق قورى بەلگىلى كاسىپكەر، مەسەنات، الەمدىك دەنگەيدەگى ميللياردەر بولات وتەمۇراتوۆتىڭ باسشىلىعىمەن قۇرىلىپتى. قور ديرەكتورى مارات ايتماعانبەتوۆ قۇرال جابدىقتى سىيعا تارتۋ كەزىندە ءسوز سويلەپ، تومەندەگى جايعا توقتالدى.
-سىيعا تارتىلىپ وتىرعان زاماناۋي قۇرىلعىلار بىلتىر بۋراباي كۋرورتتى ايماعىندا «اسىل ميراس» قورى جانە «Rixos Borovoe» قوناق ءۇيى بىرلەسىپ وتكزگەن «Rixos Borovoe - 2014» قايىرىمدىلىق ۆەلوشەرۋىنەن جينالعان قارجىعا ساتىپ الىنعان. ۆەلوشەرۋ قايىرىمدىلىق اكسياسىنا وليمپيادا چەمپيونى ا. ۆينوكۋروۆ، «تۋر دە فرانس 2014» ۆەلوجارىسىنىڭ جەڭىمپازى ۆينچەنكو نيبالي جانە «Astana» ۆەلوكومانداسى مەن باسقا سپورتشىلاردىڭ لوتتارى اۋكسيونعا قويىلعان. اۋكسيوندا 87،286 ملن. تەنگە قارجى تۇسكەن. جينالعان قارجى اقمولا وبلىستىق پەرزەنتحاناسىنىڭ ينجەنەرلىك جۇيەسىن قالپىنا كەلتىرۋ جانە وسى ورتالىققا ارناپ، اۋىر بوساناتىن انالار، اۋرۋ جانە شالا تۋعان نارەستەلەردى ەمدەپ، جەتىلدىرەتىن زاماناۋي قۇرىلعىنىڭ بىرنەشە داناسىن ساتىپ الۋعا جالپى قۇنى 56،9 ملن. تەنگەگە جۇمسالىپتى. قارجىنىڭ قالعان بولىگى قىزىلوردا وبلىسىنداعى ورتالىقتىڭ وسىنداي ماقساتىنا ارنالعان. بۇگىن سول قۇرىلعىنى ءماۋلىت ايىنا ورايلاستىرىپ سالتاناتپەن تابىس ەتپەكپىز، ەل يگىلىگىنە پايدالانسىن دەگەن، لەبىزىن ءبىلدىردى.
ورتالىقتىڭ باس دارگەرى جانات مۋسين: - بۇل قۇرىلعىنىڭ پايداعا بەرىلۋى، وبلىس اۋماعىندا اۋىر بوساناتىن انالارمەن، اۋرۋ جانە شالا تۋعان سابيلەردىڭ دەن ساۋلىعىن تۇزەۋگە مول مۇمكىندىك تۋعىزادى – دەپ، قۇرىلعىنى جوعارى باعالادى.
شارا بارىسىندا وبلىس اكىمىنىڭ ورىنباسارى ن. نۇركەنوۆ: - بۇل قايىرىمدىلىق ءىس شارا ەكى دۇنيە ساردارى، اقىرزامان پايعامبارى مۇحاممەد (س.ع.س) تۋعان ايى، ءماۋلىت مەرەكەسى قارساڭىندا اتقارىلىپ جاتقانىمەن ەرەكشە. يسلام ءدىنى ىزگىلىك، مەيرىمدىلىك ءدىنى. قايىرىمدىلىق شارالارعا قاتىسۋ، ساداقا، زەكەت بەرۋ ساۋاپتى ءىس. حالىقتىڭ، ۇلتتىڭ بولاشاعى، ونى قۇرۋشى ۇرپاقتار ءۇشىن جاسالىپ جاتقان، ساۋاپتى ءىس جالعاسا بەرسىن. وسىنداي قايىرىمدىلىق جاسايتىن اتىمتاي جومارتتار سانى كوبەيىپ، حالقىنىڭ العىسىنا بولەنەتىن بولسىن، دەگەن تىلەك ايتتى. قايىرىمدىلىق ىزگىلىكتىڭ ناقتى كورىنىسى. اللانىڭ بەرگەنىن قارا باسىنا عانا ارناپ، بايلىعىن باسىپ جەمەي،حالىقتىڭ يگىلىگىنە جاراتىپ اللا جولىنا جۇمساۋ ساۋاپتى ءىس جانە ءار مۇسىلماننىڭ پارىزى.
اللا تاعالا قۇران كارىمنىڭ «تاعابۋن» سۇرەسىنىڭ 16 -18 اياتارىندا: - «شامالارىڭ كەلگەنشە اللادان يمەنىڭدەر ونىڭ ايتقانىنا بويسىنىڭدار، اللا جولىندا مال مۇلىكتەرىڭدى جۇمساڭدار. بۇل وزدەرىڭ ءۇشىن قايىرلى. كىمدە- كىم ءناپسى ساراڭدىعىنان ساقتانسا ول ماقساتىنا جەتۋشى. ەگەر اللا ريزالىعى ءۇشىن دۇنيە جۇمساساڭدار، اللا ونىڭ ەسەسىن ەسەلەپ قايتارادى. اللا بەرەگەن كەڭپەيىل،جازالاۋعا اسىقپايدى. ول قۇپيانى دا،اشكەرەنى دە ءبىلۋشى. ول اسا ۇستەم حيكمەت يەسى» دەپ، پەندەسىنە يگى امالدار جاساۋدى مىندەتتەيدى. مۋسليم جەتكىزگەن پايعامبارىمىز مۇحاممەد (س.ع.س) حاديسىندە: - « اقيقات بايلىق- مال-مۇلىكتىڭ كوپ بولۋى ەمەس اقيقات بايلىق كەڭپەيىلدىلىك، قايىرىمدىلىق ول ادامداعى ەڭ جاقسى قاسيەت»دەپ وسيەت ەتەدى.
قايرىمدىلىق جاساۋ، ساداق بەرۋدەن بايلىقتىڭ كەمىمەيتىنى جايلى قۇران كارىم، پايعامبار حاديستەرىندە ناقتى جازىلعان. پايعامبارىمىز (س.ع.س) : - «ساداقا بەرۋ ەشقاشان بايلىقتى كەمىتپەيدى» دەسە، قۇران كارىمنىڭ «ءسابا» سۇرەسىنىڭ 39 اياتىندا: - «اللانىڭ جولىندا نە جۇمساساڭداردا اللا تاعالا مىندەتتى تۇردە ونىڭ ورنىن تولتىرادى» دەپ، پەندەسىنە ايقىن ۋادە ەتكەن.
قۇران، شاريعاتپەن سۋسىنداعان قازاق : - ساۋاپتى ءىستىڭ ساۋابى، قايىرىمدى لىقتىڭ قايىرى، قايتا اينالىپ وزىڭە تيەدى دەپ، ۇرپاعىنا ناقىل قالدىرۋى تەگىن ەمەس. ەندەشە، قايىرىمدىلىق جاساعان «اسىل ميراس» قورى جانە سيلىق الۋشى پەرەزەنتحانا ۇجىمى يگى ءىستىڭ قايىر، بەرەكەسىن كورسىن. ءبىر كەزدە اتالارىمىز شالا دەپ، تىماققا سالىپ، كەرەگە باسىنا ىلگەن نارەستەرەلەر، ەندى زاماننىڭ وركەنىنە ساي، زاماناۋي اپپاراتتا امان ەسەن. دەندەرى ساۋ، دەنەلەرى شيراق ءوسىپ، ونە بەرسىن. ەكى جاققادا اللا بەرەكەت بەرسىن دەيمىز. جيىن سوڭىندا قايىرىمدىلىق شاراسىنا قاتىسقان ءبىر قاتار ازاماتتاردى قازاق سالتى بويىنشا: -«سىيعا سىي، سىراعا بال» - دەپ، وبلىس اتىنان، دەن ساۋلىق باسقارماسىنىڭ باستىعى ح. تاشمەتوۆ العىس حاتتارمەن ماراپاتتادى. «سىيلىق اللاھ جاعىنان بەرىلگەن عاجاپ ريزىق. بىرەۋگە سىيلىق بەرىلگەندە ونى قابىل ەتىپ، وعان ودان جاقسىسىن بەرسىن» دەگەن، ارداقتى پايعامبارىمىز مۇحاممەد (س.ع.س) –نىڭ حاديس، سۇنەتىن ورىنداعان مىرزالارعا، ساۋاپ جازىلسىن دەپ تىلەدىك. حالقىنا يگى ءىس جاسايتىن ازاماتتار كوبەيىپ، يگى ءىستىڭ يگىلىن كورەتىن ەلى امان بولسىن. بايلىعىن باسىپ جاتپاي، حالقىنىڭ يگىلىگىنە جاراتاتىن جومارت جاندار كوبەيسىن. ءماۋلىت ايى مۇباراك بولسىن جاماعات!
شالا تۋعان نارەستەنى جەتىلدىرەتىن اپاراتتىڭ سىرتقى جانە جۇمىس كەزىندەگى كورىنىسى.
داحان شوكشىر ۇلى ءجامشى
