بەلگىلى پروديۋسەر ءارى اكتريسا بايان ەسەنتايەۆا “كەشYou” توبى تۋرالى فيلم تۇسىرەدى.

"بۇل ميۋزيكل ەلەمەنتتەرىمەن تۇسىرىلگەن فيلم بولاتىن شىعار. مەن ازىرشە ۋاقىتقا بايلانىستى ەشتەڭە ايتا المايمىن. ءقازىر رەجيسسەرلىق توپپەن، سەنارييشىلەرمەن كەلىسسوزدەر جۇرگىزىپ جاتىرمىن. ءفيلمدى 2016 جىلدىڭ ءساۋىر ايىندا، توپتىڭ 10 جىلدىعىندا كورسەتكىم كەلەدى"، - دەدى پروديۋسەر.

كارتينادا ومىردە بولعان وقيعالار مەن ويدان شىعارىلعان ەلەمەنتتەرگە نەگىزدەلەدى. "بۇل - توپقا قىزداردىڭ قالاي كەلىپ، قالاي كەتەتىنى تۋرالى ادەمى ەرتەگى بولاتىن شىعار. ازىرشە ويلانىپ وتىرمىز. ءقازىر بارلىعى تەك كەلىسسوزدەر شەڭبەرىندە ءجۇرىپ جاتىر"، - دەدى بايان ەسەنتايەۆا.

تۇسىرىلىمگە ۇجىم تاريحىندا بولعان ەڭ كورنەكتى قاتىسۋشىلار شاقىرتىلادى. ەسەنتايەۆانىڭ ايتۋىنشا، ولاردىڭ قاتارىندا مىندەتتى تۇردە جانار دوعالوۆا مەن كامشات جولدىبايەۆا بولادى.

ايتا كەتەيىك،  "كەشYou" توبىنىڭ ەڭ ءبىرىنشى قۇرامىندا بايان ەسەنتايەۆانىڭ باسقارۋىمەن انەل ءارىنوۆا، زۋمراد گارايەۆا مەن ءمولدىر اۋەلبەكوۆا كىردى. ون جىلدىڭ ىشىندە 5 سوليست اۋىستى. جاقىندا گەرلز-بەندتەن كامشات جولدىبايەۆا مەن تۇرمىسقا شىققالى جۇرگەن ايدانا مەدەنوۆا كەتكەلى جاتقانى بەلگىلى بولدى. "كەشYou" توبىنىڭ جاڭا قۇرامى تۋرالى رەسمي اقپارات "قازاق ارۋى-2015" بايقاۋى بارىسىندا جاريالانادى، بايقاۋ الماتى قالاسىندا 22 ناۋرىزدا وتەدى.

دەرەككوز: Tengrinews.kz