Facebook پاراقشاسىن پايدالانۋ ءبىرقاتار جاعدايلاردا كۇيزەلىسكە ۇشىراتۋى مۇمكىن. اقش-تىڭ ميسسۋري شتاتى ۋنيۆەرسيتەتىنىڭ عالىمدارى وسىنداي تۇجىرىمعا كەلدى، دەپ جازادى شەتەلدىك ب ا ق.

مارگارەت داففي باسشىلىعىمەن عالىمدار زەرتتەۋ كەزىندە پايدالانۋشىلاردى ەكى توپقا بولەدى. العاشقىسى جەلىنى دوستارىمەن، تۋىستارىمەن بايلانىس ۇستاۋ ءۇشىن عانا پايدالاندى. ەكىنشىسى - دوستارى مەن تانىستارىن باقىلاۋ ءۇشىن كىردى. Facebook ارقىلى قارجى، مانساپ، وتباسىلىق جاعدايلارىن ءبىلىپ، وزدەرىنىڭ ومىرلەرىمەن سالىستىرعان. بۇل توپتىڭ قاتىسۋشىسىندا كۇيزەلىس بەلگىلەرى انىقتالعان.

زەرتتەۋشىلەر كۇيزەلىسكە تانىستارىنىڭ تابىستارى (شەتەلدەگى دەمالىس، جاڭا ءۇي، جاڭا كولىك، توي، جاڭا دوستار) تۋرالى حابارلاما اكەلگەنىن انىقتادى. عالىمداردىڭ پىكىرىنشە، سالىستىرۋ ارقىلى ادامدا قىزعانىش سەزىمى پايدا بولىپ، ومىرىنە دەگەن قىزىعۋشىلىعى تومەندەپ، كۇيزەلىسكە دۋشار بولۋى مۇمكىن.

قازاقپارات