رەسەي بۇرىنعى سوۆەت رەسپۋبليكالارىنىڭ، بۇگىنگى تاۋەلسىز مەملەكەتتەردىڭ ىشىندە بولىپ جاتقان رۋحاني، تاريحي ۇردىستەرگە ارالاسىپ، كەدەرگى جاساپ وتىر. اسىرەسە تاۋەلسىز، شىنايى تاريحقا قارسى، وتارسىزدانۋعا قارسى بەلسەندى قارسىلىق كورسەتۋدە. جانە دە بۇل ۇدەرىس اسا بيىك دەڭگەي مەن دارەجەدە ءجۇرىپ جاتىر. ءبىر مىسال كەلتىرەيىن. گرۋزيادا سااكاشۆيلي باستاعانا جاڭا بۋىن ساياساتكەرلەر بيلىككە كەلگەن كەز. جاڭا بۋىن ساياساتكەرلەر، ارينە، تاريحتى جاڭعىرتۋ، وتارسىزدانۋ، قۇلدىق سانادان ارىلۋ ءماس
ەلەسىن ءبىرىنشى ورىنعا قويادى. جاڭا ۇكىمەت العاشقى كەزەكتە تبيليسدە رەسەيدىڭ گرۋزيانى وتارلاۋ تاريحىنا ارنالعان مۋزەي اشقان كورىنەدى. 2006-2007 جىلدار بولۋى كەرەك. سااكاشۆيلي مەن ءپۋتيننىڭ كەزدەسۋى بولادى. سوندا پۋتين تاۋەلسىز گرۋزين مەملەكەتىنىڭ باسشىسىنا: "سەندەردە نە بولىپ جاتىر؟ تبيليسيدە رەسەيدىڭ وتارلىق ساياساتىن اشكەرەلەيتىن مۋزەي اشىپسىزدار عوي. قايداعى وتارلاۋ؟ شىنداپ كەلسە، سوۆەت وداعىن گرۋزيندەر باسقارىپ كەلدى عوي! ءبىز سەندەردى ەمەس، سىزدەر ءبىزدى وتارلاپ الدىڭدار عوي" - دەپ شۇيلىگىپتى. سااكاشۆيلي پۋتينگە: "ولاي بولاتىن بولسا ماسكەۋدە گرۋزين وتارلاۋى مۋزەيىن اشىڭىزدار. ءبىز ەش رەنجىمەيمىز!" دەپتى. وسىدان كەيىن پۋتين ابدەن كەكتەنىپ، سااكاشۆيليدى تاقتان تايدىرامىن، گرۋزيننىڭ كوزىنە كوك شىبىن ۇيمەلەتەم دەپ شەشكەن كورىنەدى. 2008 جىلى رەسەي وڭتۇستىك وسەتيا مەن ابحازيانى گرۋزيادان ءبولىپ الدى. بۇل سول كەزدە گرۋزيانىڭ رەفورما ءمينيسترى، ۇكىمەت مۇشەسى كاحا بەندۋكيدزەنىڭ ەستەلىگىنەن.
قازاقستاندا وتارسىزدانۋ نەگە جۇرمەي جاتىر، ءوز تاريحىمىزدى نەگە دۇرىستاپ ايتپاي جاتىرمىز، رەسەيدىڭ وتارلىق ساياساتى تۋرالى نەگە باتىل اڭگىمە ايتا المايمىز، الماتىدا اشتىققا قاتىستى، ستاليندىك رەپرەسسيالارعا قاتىستى مۋزەيلەر نەگە اشىلمايدى دەگەن سۇراقتارعا ناقتى جاۋاپ وسى. ءبىزدىڭ بيلىك رەسەيدەن، ونىڭ پرەزيدەنتى پۋتيننەن ولەردەي قورقادى. بۇل كوكبەت وسىنداي اڭگىمەلەردىڭ تالايىن ايتىپ جاتقان شىعار ءبىزدىڭ باسشىلارعا.
ءبىر كەم دۇنيە.
(ايدوس سارىمنىڭ فەيسبۋكتەگى پاراقشاسىنان)
