جۋىردا 365info.kz سايتىنداعى "ابىلاي حان پورترەتىن تاتۋعا اينالدىرىپ جىبەردى" دەگەن ماقالاسىندا ءتىلشى دميتريي دروزدوۆ بىلەگىنە ينە ارقىلى ابىلاي حاننىڭ سۋرەتىن سالدىرعان ادام جايلى جازىپتى.
"الماتىلىق تاتۋ شەبەرى بەساريون پاپيا ەرەكشە تاپسىرىستى ورىندادى، ول ءوز قىزمەتىن تۇتىنۋشى بىلەگىنە ابىلاي حاننىڭ بەينەسىن سالىپ بەردى" دەلىنەدى بۇل ماقالادا.
شەبەر بۇل تاپسىرىسشىنىڭ تەگىنە بايلانىستى جاساعان تاتۋى ەكەنىن، سوندىقتان وعان تۇسىنىستىكپەن قاراعانىن، ونىڭ ءپالساپالىق ماعىناعا يە ەكەنىن، اسىرەسە ۇلى حاننىڭ بەينەسىن ونىڭ ۇرپاعىنىڭ قولىنا ءتۇسىرۋ جاۋاپتى ءىس بولعانىن ايتىپتى.
سونداي-اق ول تىلشىمەن سۇحباتىندا قازىرگى جاستاردىڭ تاتۋعا وتە جاۋاپتى قارايتىنىن، كوبىنە دەنەگە سالدىرتقان سۋرەتتەر تۇلعانىڭ ىشكى جان-دۇنيەسىن، رۋحاني دەڭگەيىن تانىتاتىنىن جەتكىزىپتى.
ال حان سۋرەتىن دەنەسىن سالدىرتقان ادام ءوزىنىڭ ءاتى-جونىن اتاماۋدى سۇراعان. Nur.kz
