16 اقپاندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ۇيىمداستىرۋىمەن «مەنىڭ ءپىرىم – ءسۇيىنباي» ءىى رەسپۋبليكالىق جاس اقىندار ايتىسى وتەدى.

ەلىمىزدەگى تۇڭعىش جوو – اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە بيىل 90 جىل. قازاق جوعارى ءبىلىمىنىڭ قاراشاڭىراعى سانالاتىن وقۋ ورداسى – ءوز تاريحىندا رەسپۋبليكا مەكتەپتەرى ءۇشىن 200 مىڭنان استام ءمۇعالىم، عىلىمي مەكەمەلەرگە ارناپ 3 مىڭنان اسا عىلىمي كادر دايارلاعان بىرەگەي ءبىلىم ورداسى.

مەرەيلى جىل اياسىندا تەرەڭ تاريحى بار، ۇلتتىق تاربيەنىڭ ۇيىتقىسى بولىپ وتىرعان ءبىلىم ورداسىندا رەسپۋبليكالىق، حالىقارالىق دەڭگەيدەگى ىرگەلى مادەني، عىلىمي، الەۋمەتتىك، قوعامدىق، تانىمدىق جانە سپورتتىق ءىس-شارالار وتكىزىلمەك.

90 جىلدىق مەرەيتويدىڭ باستاۋى رەتىندە ءتول ونەرىمىزدى جاڭعىرتۋ، ايتىس ونەرىن كەڭىنەن ناسيحاتتاۋ، جاس اقىنداردىڭ سۋىرىپ سالمالىق قابىلەتتەرىن شىڭداۋ ماقساتىندا 2018 جىلدىڭ 16 اقپانىندا رەسپۋبليكامىزدىڭ جوعارى وقۋ ورىندارىنىڭ جاس اقىندارى اراسىندا «مەنىڭ ءپىرىم – ءسۇيىنباي» تاقىرىبىندا ءداستۇرلى ءىى رەسپۋبليكالىق جاس اقىندار ايتىسى وتكىزىلەدى.

ءداستۇرلى ايتىسقا رەسپۋبليكامىزدىڭ 23 جوعارى وقۋ ورنىنان 40-تان اسا ستۋدەنت اقىن قاتىسادى.

الامان دوداعا تۇسەتىن جاس اقىندار ايتىسىنا قازاقستان رەسپۋبليكاسىنىڭ ەڭبەك سىڭىرگەن قايراتكەرى، حالىقارالىق «ايتىس اقىندارى مەن جىرشى-تەرمەشىلەر» وداعىنىڭ باسقارما ءتوراعاسى، ايگىلى اقىن ءجۇرسىن ەرمان باستاعان قازىلار القاسى تورەلىك ەتەدى. جۇرگىزۋشى – ايتىسكەر اقىن شۇعايىپ سەزىمحان.