الماتىدا 18 جاسقا تولماعان بالالار كەشكى ۋاقىتتا تۇنگى جانە كومپيۋتەرلىك كلۋبتاردا بولاتىن بولسا، ولاردى جاۋىپ تاستايمىز. بۇل تۋرالى قالا اكىمى باۋىرجان بايبەك تۇرعىندارمەن كەزدەسۋ بارىسىندا قالا تۇرعىندارىنىڭ سۇراعىنا جاۋاپ بەرە وتىرىپ ايتتى، دەپ حابارلايدى Zakon.kz-كە سىلتەمە بەرىپ Qamshy.kz اقپارات اگەنتتىگى.

«الدىمەن، اتا-انالار بالالارىنىڭ ءتۇنى ىشىندە نەمەسە كەشكى ۋاقىتتا قايدا جۇرگەنىن ءبىلۋى كەرەك. سونداي-اق، جەرگىلىكتى پوليسياعا دا قوياتىن سۇراق تۋىندايدى، ولار بالالاردىڭ تۇنگى كلۋبتاردا جۇرگەنىن، ءسپيرتتى ىشىمدىك ىشۋگە رۇقسات العانىن تەكسەرۋى قاجەت»، - دەدى اكىم.

اكىم قالالىق جەرگىلىكتى پوليسيا وكىلدەرىنە كۇندەلىكتى كلۋبتاردا تەكسەرۋ جۇرگىزۋدى جانە جاسوسپىرىمدەردىڭ اتا-انالارىمەن جۇمىس ىستەۋدى تاپسىردى.

 «كلۋبتاردىڭ جۇمىسى قالاي ءجۇرىپ جاتىر؟ ونداي جاعدايدا ولاردىڭ ليسەنزياسىن الىپ، جاۋىپ تاستاۋىمىز كەرەك. ەگەر ەرەجەگە قارسى شىقسا، ءبارىن جابۋ كەرەك»، - دەدى ول.

اكىم سونداي-اق، اتا-انالار ءوز بالالارىمەن قارىم-قاتىناس ورناتۋ كەرەك ەكەنىن ايتتى. «ەگەر بالا تەمەكى شەگۋدى قالاسا، وندا ول شەگەتىن جەر مەن مۇمكىندىك تابادى». اتا-انالار ۇنەمى بالالارىمەن اڭگىمەلەسىپ وتىرۋى ءتيىس»، - دەدى بايبەك