جانات تۇسىپبەكوۆ الداعى ءتورت جىلعا قازاقستان اۋىر اتلەتيكا فەدەراسياسىنىڭ پرەزيدەنتى بولىپ قايتا سايلاندى، دەپ حابارلايدى Qamshy.kz اقپارات اگەنتتىگى «SPORTINFORM» ساا سايتىنىڭم دەرەگىن نەگىزگە الا وتىرىپ. 

استاناداعى فەدەراسيا سايلاۋ كونفەرەنسياسىنىڭ قاتىسۋشىلارى تۇسىپبەكوۆتىڭ قايتا سايلانۋىن ءبىراۋىزدان قولداعان. ق ر ااف پرەزيدەنتى جانات تۇسىپبەكوۆ اتاپ وتكەندەي، ول انتيدپينگتىك ساياساتتى كۇشەيتۋ جۇمىستارىن جالعاستىرادى جانە سپورتشىلاردى الەۋمەتتىك قولداۋ شارالارىن جۇزەگە اسىرادى.

سونداي-اق،  جەرگىلىكتى اۋىر اتلەتيكا فەدەراسيالارىن دامىتىپ، ينۆەستيسيا تارتپاق.  «حالىقارالىق اۋىر اتلەتيكا فەدەراسياسىنىڭ پرەزيدەنتى، باس حاتشى، بەس قۇرلىقتىق فەدەراسيا پرەزيدەنتتەرى ءبىر ءىس-شارادا باس قوسۋى وتە سيرەك جاعداي.

بۇل — ەلىمىزدەگى اۋىر اتلەتيكا  سپورتى سالاسىنداعى جانات تۇسىپبەكوۆتىڭ ورنىنىڭ قانداي ەكەنىن بىلدىرەدى»، - دەدى ق ر ااف باس حاتشىسى ومار مۇستافين. ايتا كەتەيىك، سايلاۋمەن قاتار IWF ينتەركونتينەنتالدىق كوميسسياسىنىڭ وتىرىسى دا ءوتتى.