«اقتاۋ-بەينەۋ» اۆتوجولىندا قازا بولعان 7 ادامنىڭ 6-اۋى وزبەكستان ازاماتتارى بولىپ تابىلادى. بۇل تۋرالى وزبەكستان توتەنشە جاعدايلار مينيسترلىگىنىڭ رەسمي سايتىندا حابارلاندى، دەپ جازادى Qamshy.kz اقپارات اگەنتتىگى. 

بۇعان دەيىن حابارلاعانىمىزداي، 1 ناۋرىز كۇنى «اقتاۋ-بەينەۋ» اۆتوجولىندا «Shacman» ماركالى جۇك كولىگى مەن «LADA Largus» سوقتىعىستى. سالدارىنان جەڭىل كولىكتە بولعان 6 جولاۋشى مەن ونىڭ جۇرگىزۋشىسى وقيعا ورنىندا قازا بولدى.

«ولاردىڭ تۇلعالارى انىقتالۋ ۇستىندە. الدىن الا اقپارات بويىنشا، اجال قۇشقانداردىڭ بارلىعى وزبەكستان ازاماتتارى بولىپ تابىلادى»، - دەپ اتاپ  وتكەن بولاتىن اقتاۋ وبلىستىق ىشكى ىستەر دەپارتامەنتىنەن. ق ر قىلمىستىق كودەكسىنىڭ 345-بابى بويىنشا سوتقا دەيىنگى تەرگەۋ باستالدى. وزبەكستان توتەنشە جاعدايلار مينيسترلىگىنىڭ رەسمي سايتىندا حابارلانعانداي، مەرت بولعانداردىڭ 6-اۋى سول ەلدىڭ ازاماتتارى بولىپ تابىلادى.

«وزبەكستان رەسپۋبليكاسىنىڭ قازاقستانداعى ەلشىلىگىنەن تۇسكەن اقپاراتقا سايكەس، 1 ناۋرىز كۇنى ساعات 06.00-دە ماڭعىستاۋ وبلىسى ماڭعىستاۋ اۋدانىنىڭ شەتپە اۋىلىندا، «اقتاۋ-بەينەۋ» كۇرە جولىندا اقتاۋ قالاسى - بەينەۋ اۋدانى باعىتى بويىنشا بەت العان مەملەكەتتىك ءنومىرى 90 S 830 JA  «LADA Largus» پەن مەملەكەتتىك ءنومىرى  737 DPA/12 «Shacman» جۇك كولىگى سوقتىعىستى.

جول اپاتى سالدارىنان ءورت بولىپ، الدىن الا مالىمەت بويىنشا 7 ادام قازا بولدى. ولاردىڭ 6-اۋى وزبەكستان رەسپۋبليكاسىنىڭ ازاماتتارى بولىپ تابىلادى. اتالمىش فاكتى بويىنشا تەرگەۋ شارالارى جۇرگىزىلۋدە. قازا بولعانداردىڭ تۇلعاسى انىقتالۋدا»، - دەلىنگەن ەلشىلىك اقپاراتىندا. كولىك وقيعاسىنا وراي وزبەكستان تجم-دە ((+998 71) 147-10-50) جانە قازاقستانداعى وزبەكستاننىڭ ديپوكىلدىگىندە (+7 777 218-20-10 ي +7 727 291-06-44) شۇعىل جەلىلەر اشىلدى.