2018 جىلعى قاڭتار-اقپاندا قازاقستاندا ينفلياسيا 1،3 پايىزدى قۇرادى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى. باعا ازىق-تۇلىك تاۋارلارىنا اعىمداعى جىلعى ەكى ايدا - 1،4، ازىق-تۇلىك ەمەس تاۋارلارىنا - 0،8، اقىلى قىزمەتتەرگە 1،6 پايىزعا ءوستى.

اعىمداعى جىلدىڭ باسىنان باعانىڭ ءوسۋى قيارعا - 21،8، قىزاناققا - 20،6، ءتاتتى بۇرىشقا - 16،8، قىرىققاباتقا - 11،5، باستى پيازعا - 7،4، كارتوپقا - 5،6، سابىزگە - 3،8، كونسەرۆىلەنگەن سۇتكە - 2، سارى مايعا - 1،8، مايەكتى ىرىمشىككە - 1،7، جاڭا ساۋىلعان سۇتكە - 1،4، قىشقىل ءسۇت ونىمدەرىنە 1،3 پايىزعا بەلگىلەندى.

باعانىڭ تومەندەۋى قاراقۇمىق جارماسىنا- 9،5، قۇمشەكەرگە - 1،4، جۇمىرتقاعا، كۇرىشكە - 1،2، قارا شايعا - 1،1، قۇس ەتىنە 0،8 پايىزعا تىركەلدى. باعا ءوسىمى فارماسيەۆتيكالىق ونىمدەرگە - 1،3، شىنى جانە قىشتان جاسالعان ونىمدەرگە - 1، اۆتوموبيلدەرگە، جۋعىش جانە تازالاعىش قۇرالدارعا، تۇرمىستىق اسپاپتارعا، جەكە قولداناتىن تاۋارلارعا، توقىما بۇيىمدارىنا، جيھاز جانە ۇيگە قاجەتتى زاتتارعا - 0،9، كيىم جانە اياق كيىمگە - 0،6، كىتاپتارعا - 0،4، كەڭسە تاۋارلارى مەن سىزۋ قۇرالدارىنا 0،3 پايىزدى قۇرادى. باللونداعى سۇيىتىلعان گاز - 1،7، بەنزين - 1،2، تاس كومىر، ديزەل وتىنى 0،7 پايىزعا قىمباتتادى. باعا دەڭگەيى قۇقىقتىق قىزمەتتەرىنە، كولiك قۇرالدارىن ساقتاندىرۋعا - 6، مەكتەپكە دەيىنگى بالالار مەكەمەسىنىڭ قىزمەتتەرىنە - 3، دەنساۋلىق ساقتاۋ - 1،9، شاشتارازدار مەن جەكە قىزمەت كورسەتۋ ورىندارىنا - 1،8، قوعامدىق تاماقتاندىرۋعا - 0،4 پايىعا ارتتى.

قالا ىشىندەگى اۆتوبۋسپەن جول ءجۇرۋ اقىسى - 3،1، قالاارالىق - 2،6، الىس قاشىقتىققا قاتىنايتىن جولاۋشىلاردىڭ تەمىرجول كولىگى - 0،7 پايىزعا قىمباتتادى، ال اۋە كولىگى - 4،1 پايىزعا ارزاندادى. تۇرعىن ۇي-كوممۋنالدىق قىزمەتتەر سالاسىندا تاريفتەر ورتالىقتان جىلىتۋعا - 3،5، ەلەكتر ەنەرگياسىنا - 3،4، ىستىق سۋعا - 3، قوقىس شىعارۋعا - 2،5، تۇرعىن ءۇيدى كۇتىپ ۇستاۋعا - 2، تاراتۋ جەلىلەرى ارقىلى تاسىمالداناتىن گازعا - 1،2، سۋىق سۋعا، كارىزگە 0،8 پايىز جوعارىلادى.