الماتى - قازاقستاننىڭ وڭتۇستىك-شىعىسىندا ورنالاسقان الىپ شاھار. قالا مەن قالا ماڭىندا جانعا جايلىلىق سىيلايتىن دەمالىس ورىندارى جەتەرلىك. جىل سايىن الماتىعا كەلەتىن تۋريستەردىڭ قاتارى دا ارتىپ جاتىر. نازارلارىڭىزعا الماتى شاھارىنا تابانىڭىز ءتيىپ جاتسا، بارۋ كەرەك جەرلەردىڭ ءتىزىمىن ۇسىنامىز!
مەدەۋ
مەدەۋ – جاساندى مۇز ايدىنى بار دۇنيە جۇزىندەگى ەڭ ءىرى سپورت كەشەنى. مەدەۋ مۇز ايدىنى الماتىدان 18 شاقىرىم جەردە ورنالاسقان. ساۋلەت ونەرىنىڭ ەرەكشەلىگى مەن تابيعي ەرەكشەلىگىنىڭ ارقاسىندا مەدەۋ مۇز ايدىنى الەمگە تانىمال.
شىمبۇلاق
2510 مەتر بيىكتىكتە ورنالاسقان شىمبۇلاق تاۋ-شاڭعىلىق كۋرورتى - الماتىنىڭ ءىنجۋ-مارجانى. بۇل جەردە تاۋدىڭ تازا اۋاسىمەن تىنىستاۋمەن قاتار شاڭعى تەبۋگە بولادى.
كوكتوبە
كوكتەبە – الماتىنىڭ وڭتۇستىك-شىعىسىندا ورنالاسقان توبە. بيىكتىگى – 1070 مەتر. «كوكتوبە» تەلە-مۇناراسى ءتۇرلى ءتۇستى جارىقپەن قالا تۇرعىندارى مەن قوناقتارىن وزىنە تارتىپ تۇرادى. كوكتوبەدەن الماتىنىڭ سۇلۋلىعىن تاماشالاۋعا ابدەن بولادى.
الماراسان
الماتىنىڭ وڭتۇستىك-باتىسىندا ورنالاسقان تاۋ شاتقالى. دەمالىس كۇندەرى جاياۋ قىدىرىپ، ادەمى پەيزاجدىڭ كۋاگەرى بولعىڭىز كەلسە، الماراسانعا بارىڭىز! شاتقالدىڭ جوعارى جاعىندا تەڭىز دەڭگەيىنەن 2500 مەتر بيىكتىكتە ۇلكەن الماتى كولى ورنالاسقان.
28 گۆاردياشىل-پانفيلوۆشىلاردىڭ پاركى
الماتىنىڭ مەدەۋ اۋدانىندا ورنالاسقان ساياباقتىڭ اۋماعى – 18 گەكتار. اتالعان ساياباق 19-شى عاسىردىڭ سوڭىندا ىرگەسى قالانعان قالاداعى ەڭ العاشقى ساياباق. پارك ورتاسىنداعى «ماڭگىلىك الاۋ» - سوعىس قۇرباندارىن ماڭگى ەستە ساقتاۋ ماقساتىندا لاۋلاپ تۇراتىن وت.
الماتى زووپاركى
الماتى قالاسىنداعى ورتالىق ساياباعىندا ورنالاسقان زووپارك ورتالىق ازياداعى ۇلكەن زووپاركتەردىڭ قاتارىنا كىرەدى. جىلدىڭ كەز كەلگەن مەزگىلىندە جانۋارلاردى كورۋگە ءارى سەرۋەندەۋگە مۇمكىندىك بەرەدى.
تۇڭعىش پرەزيدەنت پاركى
ق ر ءبىرىنشى پرەزيدەنتى اتىنداعى ساياباق - دەندروپاركى الماتى قالاسى بوستاندىق اۋدانىنىڭ ناۆوي جانە ءال-فارابي كوشەلەر قيىلىسىندا ورنالاسقان.
