قاراعاندىدا جەرگىلىكتى بيلىك اۋدانعا ءاليحان اتىن بەرۋگە دايىن دەپ حابارلايدى Qamshy.kz اقپارات اگەنتتىگى جەرگىلىكتى باق-قا سىلتەمە جاساي وتىرىپ.

قاراعاندىداعى وكتيابرسكيي اۋدانىنىڭ اتاۋىن ءاليحان بوكەيحانوۆ دەپ وزگەرتۋ ماسەلەسى 2016 جىلى دا كوتەرىلگەن. وسىعان دەيىن جەرگىلىكتى بيلىك وسى ماسەلەنى تالقىلاپ، دۇرىس بۇرىسىن تارازىلاپ كەلەدى.

— ءبىز قاراعاندى وبلىسىنداعى وكتيابر اۋدانىنىڭ اتىن وزگەرتۋدى قولدايمىز جانە بۇل ويىمىزدى اكىمشىلىككە ايتقان بولاتىنبىز. بۇل ماسەلە اكىمشىلىكتە قارالىپ، تالقىلاناتىن بولادى. ءبىراق ولاردىڭ قاشان شەشىم شىعاراتىنى بەلگىسىز. الايدى اۋداننىڭ اتاۋىن وزگەرتكەننەن كەيىن كىشى جانە ۇلكەن بيزنەس يەلەرى قارجىلىق قيىندىقتارعا ۇشىرايدى، - دەيدى وكتيابر اۋدانى اكىمى ساتلەك ابدىكالىكوۆ.

ساتلەك ابدىكالىكوۆتىڭ ايتۋىنشا، باسقا قاراپايىم تۇرعىنداردا قارجىلىق قيىندىقتار بولمايدى. سەبەبى ولاردىڭ مەكەن جايىندا اۋداننىڭ اتى كورسەتىلمەگەن، تەك قالا مەن تۇرعىلىقتى مەكەن-جايى بەلگىلەنگەن.

اۋداننىڭ اتاۋىن وزگەرتۋگە بايلانىستى ساراپتامالىق جۇمىستاردان كەيىن، بارلىق قۇجاتتار قالاداعى حالىقتىق كەڭەسكە جونەلتىلەدى. كەيىن قاراعاندىدا اشىق تىڭداۋ ءوتىپ، شەشىم شىعارىلادى.