مىنا ءبىر كىشكەنتاي سۇيكىمدى بالاقايدىڭ ەسىمى نۇرمۇحاممەد جاقىپ. بۇل بالا العاشىندا «ينستاگرام» ارقىلى الەۋمەتتىك جەلى قولدانۋشىلارىنىڭ اراسىندا تانىمالدىققا يە بولعان ەدى. بۇگىندە ونەرلى بالاپان ءوزىنىڭ ەرەكشە داۋىسىنىڭ، سۇيكىمدى كەلبەتىنىڭ ارقاسىندا جۇرتشىلىققا كەڭىنەن تانىلىپ ۇلگەردى. نۇرمۇحاممەدتىڭ تۇر-كەلبەتى دە، داۋىسى دا بەلگىلى ءانشى مەيرامبەك بەسپايەۆقا ۇقسايدى. سوندىقتان مەيرامبەك پەن نۇرمۇحامممەدتىڭ ونەرىنە ءتانتتى ونەرسۇيەر قاۋىم بالاقايدى «ەكىنشى مەيرامبەك» دەپ اتاپ كەتكەن. «الاش ايناسى» نۇرمۇحامممەدتىڭ ورىنداۋىنداعى اندەر مەن ەرەكشە سۋرەتتەرىن كوپشىلىك نازارىنا ۇسىنىپ وتىر. نۇرمۇحاممەد جاقىپتىڭ جاسى 8-دە، ول اقتاۋ قالاسىندا تۇرادى. ونەرلى بالانىڭ اكەسى يبراگيم جاقىپ بالاسىنىڭ اندەرىن، سۋرەتتەرىن، وتباسىلىق سۋرەتتەرىن ۇنەمى الەۋمەتتىك جەلىدە ءبوسىسىپ وتىرادى. كاسىبي انشىلەر العاش نۇرمۇحاممەدتىڭ اندەرىن تىڭداعاندا ونى «ناعىز بومباعا» تەڭەپتى. ءوزىنىڭ كەىڭ تىنىستى، تۇنىق داۋسىمەن كوپشىلىكتى ەلەڭ ەتكىزگەن سۇيكىمدى بالا فوتوسسەسيادا، تويلاردا، ساحنادا، بەينەروليكتەردە ءوزىن ۇلكەن جىگىت سەكىلدى ۇستايدى. نۇرمۇحاممەدتىڭ سۇيىكتى ءانشىسى، ارينە، مەيرامبەك بەسايەۆ. بەلگىلى ءانشى ءوزىنىڭ كىشكەنتاي فاناتىنا، ونىڭ ونەرىنە قۇرمەتپەن قارايتىنىن ايتقان. بۇگىندە نۇرمۇحاممەد مەيرامبەكتى كىشكەنە كەزىندە ءدۇيىم حالىققا تانىتقان «بوزتورعاي» ءانىن ورىنداپ ءجۇر. دارىندى بالانىڭ ارمانى مەيرامبەك بەسپايەۆتىڭ جەكە كونسەرتىنە قاتىسۋ ەكەن. كىشكەنتاي «جۇلدىز» مەيرامبەك بەسپايەۆتان باسقا قايرات نۇرتاستىڭ، تورەعالي ءتورالىنىڭ رەپەرتۋارىنداعى اندەردى ورىندايدى. بالاقايدىڭ ايتۋىنشا، كەز كەلگەن ءاندى ورىنداۋ وعان قيىنعا سوقپايتىن كورىنەدى. دەگەنمەن ونەر يەلەرى، ونىڭ ىشىندە ءانشى اباي بەگەي نۇرمۇحاممەدكە ۇلكەن قولداۋ ءبىلدىرۋ قاجەت ەكەنىن، 13-16 جاس ارالىعىندا ونىڭ داۋسىن ساقتاپ قالۋ كەرەكتىگىن العا تارتتى. ءيا، تالانت قانمەن بەرىلەتىن قاسەيت. دەگەنمەن بويىندا اللانىڭ بەرگەن دارىنى بار بالالاردى شىرعانىن ءسوندىرىپ الماي، جاعا ءبىلۋ دە ەكىنىڭ بىرىنە بەرىلە بەرمەيتىن قاسيەت. كەزىندە التىنبەك قورازبايەۆ سەكىلدى كورەگەن ۇستازدار ەلدى، جەردى ارالاپ، اۋىلداردان كىشكەنتاي دارىندى بالالاردى تاۋىپ، ولاردىڭ جۇلدىزىن جاقتى. ال قازىرگى اقپاراتتىڭ قارقىندى دامىعان شاعىندا بالالاردىڭ دارىنىن كوپشىلىككە تانىستىرۋ اسا قيىندىق تۋدىرمايدى. تەك بالالاردان «جۇلدىز» جاسايمىز دەپ اسىرا سىلتەپ، ولاردىڭ بالالىعىن جوعالتىپ الماساق بولعانى. كىشكەنتاي نۇرمۇحاممەدتىڭ ونەرى ورلەي بەرسىن! تىل-كوزدەن امان بولسىن دەپ تىلەيمىز!!!