اتلانتادا بەلگىسىز بىرەۋ تۇنگى كلۋبتان قوناق ۇيگە قايتىپ كەلە جاتقان امەريكالىق بوكسشى فلويد مەيۆەزەردىڭ كورتەجىنە وق جاۋدىردى دەپ جازادى Qamshy.kz اقپارات اگەنتتىگى. 

اتلانتا پوليسياسىنىڭ وكىلىنىڭ ايتۋىنشا، وق اتقان ادام اۆتوكولىكتە بولعان، ول بوكسشىنىڭ كورتەجىن ءبىراز ۋاقىتقا دەيىن قۋعان كورىنەدى.   

كەيىن قۋعىنشىدان قۇتىلعان ءۇش كولىك گرەدي مەموريالدىق اۋرۋحاناسىنا بارعان، وندا اياعىنان جاراقات العان كۇزەتشىلەردىڭ بىرىنە مەديسينالىق كومەك كورسەتىلدى، دەپ جازدى، جەرگىلىكتى ب ا ق وكىلدەرى. 

جاراقاتتانعان جابىرلەنۋشىنىڭ قازىرگى جاعدايى قالىپتى. 

مەيۆەزەرگە قاراي وق اتىلعانىن كورگەن كۋاگەرلەر تۋرالى ازىرگە دەرەك جوق. سوندىقتان تانىمال بوكسشىعا وق اتىلعان-اتىلماعانى ازىرگە بەلگىسىز. الايدا پوليسيا بۇل وقىس وقيعا ەمەس ەكەنىن اتاپ ءوتتى.

امەريكالىق بوكسشى كىشى فلويد مەيۆەزەر ءوز كارەراسىندا 50 جەكپە-جەك وتكىزىپ، بارىندە جەڭىسكە جەتكەن.