تۇركىستان قالاسىنا اعىمداعى جىلدىڭ ءۇش ايىندا 300 مىڭعا جۋىق  تۋريست كەلگەن. ونىڭ ىشىندە بەس مىڭعا جۋىعى شەتەل ازاماتتارى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە تۇركىستان قالاسىنىڭ اكىمى تاجىبەك مۇسايەۆ ءمالىم ەتتى، دەپ حابارلايدى Qamshy.kz اقپارات اگەنتتىگى قازاقپارات مالىمەتىنە سۇيەنىپ. 

كيەلى شاھار اكىمىنىڭ سوزىنشە، تۋريزم سالاسىندا 1 ملرد 689،3 ملن تەڭگە تابىس ءتۇسىپ، قالا ەكونوميكاسىنىڭ ۇلعايۋىنا ۇلەسىن قوسقان. ال، وتكەن جىلى قاسيەتتى قالاعا 1 ملن-عا تارتا  تۋريست كەلدى. قازىرگى تاڭدا قالا حالقىنىڭ سانى 263 مىڭنان اسادى.

تاجىبەك مۇسايەۆ بۇدان وزگە جىل باسىنان بەرى شاعىن جانە ورتا كاسiپكەرلiكپەن اينالىساتىن 13 405 سۋبەكت تiركەلگەنىن اتاپ ءوتتى.

—بۇگىنگى تاڭدا ناقتى جۇمىس iستەپ تۇرعان بەلسەندi كاسىپكەرلىك نىساندارىنىڭ سانى 13 مىڭنان اسسا، جۇمىسپەن قامتىلعان ادامدار 34 مىڭدى قۇراپ وتىر. ال، اتالعان سالاداعى ءونiم كولەمi 19648،9 ملن تەڭگەگە جەتكەن. قالاداعى  ءونiم كولەمi 2،6 پايىزعا ارتىپ وتىر، - دەدى تاجىبەك قالمان ۇلى.