جۇڭگو تاراپى وڭتۇستىك كورەيا مەن كحدر باسشىلارىنىڭ كەزدەسۋىنەن وڭ ناتيجە كۇتەدى. بۇل تۋرالى جۇمادا قحر ءسىم-نىڭ رەسمي وكىلى حۋا چۋنين مالىمدەدى.
بۇگىن كحدر پرەزيدەنتى مەن وڭتۇستىك كورەيا پرەزيدەنتى دەماركاسيالىق جەلىدە كەزدەستى. كيم چەن ىن شەكارانى ءبولىپ تۇرعان سىزىقتى ءوتىپ، وڭتۇستىك ايماققا اتتاپ باسقان العاشقى كحدر پرەزيدەنتى بولدى.
«ءبىز بۇگىن تەلەديداردان تاريحي ساتكە كۋا بولدىق. كحدر جانە وڭتۇستىك كورەيا باسشىلارى اسكەري-دەموكراتيالىق لينيانى كەسىپ ءوتىپ، ءبىر-بىرىنىڭ قولدارىن قىستى. ءبىز ەكى تاراپتىڭ بۇل قادامدارىن قولداپ، ونى ساياسي باتىلدىققا بالايمىز. بۇگىنگى تاريحي كەزدەسۋدىڭ ناتيجەسى وڭىنان بولاتىنىنا سەنىمدىمىز»، - دەدى بريفينگ بارىسىندا حۋا چۋنين.
سونىمەن قاتار حۋا ءچۋنيننىڭ پىكىرىنشە، بۇل كەزدەسۋ – كورەي تۇبەگىندەگى تىنىشتىق پەن بەيبىتشىلىكتىڭ العاشقى قادامى.
وتكەن اپتادا كيم چەن ىن كحدر يادرولىق جانە زىمىراندىق سىناقتاردى 21 ساۋىردەن باستاپ توقتاتتى دەپ مالىمدەدى.
سونىمەن قاتار پحەنيان يادرولىق قارۋدى قولدانۋدان باس تارتتى. جانە دە سولتۇستىك كورەيا يادرولىق تەحنولوگيالاردى باسقا مەملەكەتتەرگە بەرمەۋگە ۋادە بەردى.
وڭتۇستىك جانە سولتۇستىك كورەيا اراسىنداعى قارىم-قاتىناستاردىڭ جاقسارۋى وڭتۇستىك كورەيانىڭ پحەنچحانداعى وليمپياداعا دايىندىعى بارىسىندا بولدى. سولتۇستىك كورەيا سپورتشىلارىنىڭ وليمپيادا ويىندارىنا قاتىسۋى، سونداي-اق وڭتۇستىك كورەياعا كيم چەن ىننىڭ اپكەسى مەن وڭتۇستىك كورەيا پرەزيدەنتىنىڭ ارنايى وكىلدەرىنىڭ كحدر-عا ساپارى اسەر ەتتى.
پىكىر قالدىرۋ