كحدر جانە وڭتۇستىك كورەيا باسشىلارىنىڭ سامميتىنەن كەيىنگى بىرلەسكەن دەكلاراسياعا سايكەس ەكى ەل قارىم-قاتىناسىن جاقسارتادى.
— سولتۇستىك پەن وڭتۇستىك كورەيا قارىم-قاتىناسىن تولىق جانە جان-جاقتى جاقسارتۋعا، دامىتۋعا ۇمتىلاتىن بولادى. وسىلايشا ەكى ەل دە گۇلدەنۋ مەن قايتا بىرىگۋگە بىرلەسە جۇمىس ىستەيدى ، - دەلىنگەن قۇجاتتا.
ايتا كەتەلىك، بۇگىن كحدر پرەزيدەنتى مەن وڭتۇستىك كورەيا پرەزيدەنتى دەماركاسيالىق جەلىدە كەزدەستى. كيم چەن ىن شەكارادان ءوتىپ، وڭتۇستىك ايماققا اتتاپ باسقان العاشقى كحدر پرەزيدەنتى بولدى.
ديالوگتىڭ ءبىرىنشى كەزەڭى اياقتالعاننان كەيىن كيم چەن ىن قارسىلاستىقتى توقتاتۋعا، ال مۋن چجە ين ەكى ەل اراسىنداعى تەمىر جول قاتىناسىن ورناتۋعا شاقىردى.
كۇننىڭ ەكىنشى جارتىسىندا تاراپتار سولتۇستىك پەن وڭتۇستىكتىڭ اراسىنداعى قارىم-قاتىناستاردى جاقسارتۋ، سونىمەن قاتار بىرىگۋ پەرسپەكتيۆالارىن تالقىلاۋدى جوسپارلاپ وتىر.
وتكەن اپتادا كيم چەن ىن كحدر يادرولىق جانە زىمىراندىق سىناقتاردى 21 ساۋىردەن باستاپ توقتاتتى دەپ مالىمدەدى.
سونىمەن قاتار پحەنيان يادرولىق قارۋدى قولدانۋدان باس تارتتى. جانە دە سولتۇستىك كورەيا يادرولىق تەحنولوگيالاردى باسقا مەملەكەتتەرگە بەرمەۋگە ۋادە بەردى.
وڭتۇستىك جانە سولتۇستىك كورەيا اراسىنداعى قارىم-قاتىناستاردىڭ جاقسارۋى وڭتۇستىك كورەيانىڭ پحەنچحانداعى وليمپياداعا دايىندىعى بارىسىندا بولدى. سولتۇستىك كورەيا سپورتشىلارىنىڭ وليمپيادا ويىندارىنا قاتىسۋى، سونداي-اق وڭتۇستىك كورەياعا كيم چەن ىننىڭ اپكەسى مەن وڭتۇستىك كورەيا پرەزيدەنتىنىڭ ارنايى وكىلدەرىنىڭ كحدر-عا ساپارى اسەر ەتتى.
پىكىر قالدىرۋ