باپتان قۇيرىق، ايدالادا جاتقان قۇيرىق دەپ ەلىمىزدەن قىرۋار بايلىقتى ۇرلاپ، جامباسقا باسىپ، شەتەلدە تايراڭداپ جۇرگەن وتانداسىمىزدىڭ ۇزىن سانى 45 ەكەن. حالىقارالىق قىلمىستىق پوليسيا ىزدەۋ سالعان ول 45ء-تىڭ 38 ەر ادام، ال 7 –ءۋى نازىكجاندى.
قاشقىن ايەلدەردىڭ ەڭ جاسى 23 جاسار كريستينا ياكۋنينا بولسا، كارىسى 57 جاستاعى لاريسا ۆودينيكتوۆا ەكەن. ال ەر ادامداردان ەڭ جاسى 20 جاسار يليا زارۆا، ال ەڭ قارتى 64-تەگى ايگىلى ۆيكتور حراپۋنوۆ. قاشقىنداردىڭ اراسىندا قانداسىمىز لەيلا حراپۋنوۆا دا بار. ول الاياقتىق جاساعانى ءۇشىن جانە اقشا جىمقىرعانى ءۇشىن ىزدەلىنىپ جاتىر. ال ونىڭ «اتاقتى» جۇبايى الماتى جانە شقو ەكس-اكىمى، بۇرىنعى تجم باسشىسى، ۇستىنەن جيىرماعا تارتا قىلمىستىق ءىس قوزعالعان ۆيكتور حراپۋنوۆ جاساعان قىلمىسى بويىنشا تىزىمدە كوش باستاپ تۇر. «45»ء-تىڭ تىزىمىندە «قازاتومپرومنىڭ» بۇرىنعى ۆيسە-پرەزيدەنتى ر.تۇرسىنبايەۆ بىرنەشە قىلمىسى ءۇشىن، اتاپ ايتقاندا، الاياقتىق، جالعان اقشا جاساپ، قىلمىستىق توپ قۇرعانى ءۇشىن، مەملەكەت قارجىسىن جىمقىرعان، جالعان قۇجات جاساپ، سالىق تولەۋدەن جالتارعانى ءۇشىن، سونداي-اق، 20 ميلليون اقش دوللارى كولەمىندە اقشا ۇرلاعانى ءۇشىن ىزدەلىنىپ جاتىر. حالىقارالىق ىزدەۋدە اتىراۋدىڭ بۇرىنعى اكىمى ب.رىسقالييەۆ، ونىڭ ءىنىسى، ەكس- دەپۋتات ا.رىسقالييەۆ تە بار. ق ر باس پروكۋراتۋراسىنىڭ مالىمەتىنشە، ولار قازاقستاندا جوق.
قازاقستان بۇرىنعى بانكيرى مۇحتار ابىليازيەۆكە دە ىزدەۋ سالعان. ەلىمىزدەن 5 ميلليارد دوللار اقشا ۇرلاپ ، تايىپ تۇرعان ازامات وسى ۋاقىتقا دەيىن لوندوندا بولعان. ال ىزدەۋ جاريالانعان سوڭ، مەكەن-جايىن وزگەرتكەن.
ءسويتىپ، «ۇزدىك» 45ء-تىڭ ءتىزىمى وسىلاي جالعاسا بەرمەك. بۇل تەك رەسمي قاشقىندار عانا. ال حالىقتىڭ اقشاسىن جىمقىرىپ، ماي شەلمەككە باتىپ، ارامىزدا جۇرگەندەرى قانشاما؟
tengrinews.kz
پىكىر قالدىرۋ