تۇرعىن ءۇي قۇرىلىس جيناق بانكى «5-20-15» يپوتەكالىق باعدارلاماسىنىڭ شارتتارىن دايىنداۋعا كىرىستى، دەپ حابارلايدى Qamshy.kz اقپارات اگەنتتىگى. 

بيىلعى جىلدىڭ ناۋرىز ايىندا ق ر پرەزيدەنتى نۇرسۇلتان نازاربايەۆ بارلىق جۇمىس ىستەيتىن قازاقستاندىققا باسپانا الۋعا مۇمكىندىك بەرەتىن "7-20-25" دەپ اتالاتىن باعدارلاماسىن ىسكە قوسۋ تۋرالى ۇسىنىس ايتقان بولاتىن. باعدارلامانىڭ شارتتارى بەكىتىلىپ، قۇجاتتار قابىلداۋ جونىندە تالاپتار ەل اراسىندا قىزۋ تالقىعا ءتۇسىپ جاتىر. 

«7-20-25» باعدارلاماسى بويىنشا استانا، الماتى، اقتاۋ مەن اتىراۋدا 25 ميلليون تەڭگەنىڭ باسپاناسىن يپوتەكاعا الۋعا بولادى. اتالعان سوما - ءۇيدىڭ شەكتى باعاسى. دەمەك، 20 پروسەنت، ياعني 5 ملن تەڭگە نەسيە العان ادامنىڭ العاشقى جارناسى بولسا، قالعان 20 ميلليون تەڭگە 25 جىلعا قارىزعا بەرىلەدى. ال باسقا ايماقتاردا يپوتەكاعا بەرىلەتىن باسپانانىڭ شەكتى سوماسى 15 ميلليون تەڭگە (3 ملن - القاشقى جارنا، ال 12 ملن - قارىز) دەپ بەلگىلەندى.

باعدارلاما جاريالانباي تۇرعان جىلدارى حالىقتىڭ باسىم بولىگى ءوز اقشاسىن ءتۇرعىن-ۇي جيناق جۇيەسىنە كوپتەپ سالا باستادى. يپوتەكالىق نارىقتىڭ السىرەپ قالعانى دا سودان. وعان قوسا، ۇلەسكەرلىك قۇرىلىسقا قاتىستى زاڭناما دا كۇشەيتىلدى. بۇنىڭ بارلىعى ستاگناسياعا اكەلىپ سوقتىردى. ال تۇرعىن ءۇي قۇرىلىس جيناق جۇيەسىنە قاتىساتىنداردىڭ سانى كۇرت ءوستى. سوڭعى ءۇش جىلدىڭ ىشىندە اتالعان جۇيە نارىقتىڭ 77 پروسەنتىن الىپ قويدى.

ەندى، «7-20-25» يپوتەكالىق باعدارلاماسىنىڭ كەلۋىمەن اتالعان كورسەتكىش وزگەرۋى ابدەن مۇمكىن. ونى تۇرعىن ءۇي قۇرىلىس جيناق بانكى دە سەزىپ وتىر. سودان بولار،«5-20-15» شارتتارىن ازىرلەۋگە كىرىستى. بۇل ەكى باعدارلامانىڭ اراسىندا باسەكە قىزا تۇسسە، حالىققا ارنالعان قولايلى شارتتار جاسالىپ، نارىقتا ويىپ ورىن الاتىنى انىق.