دوڭگەلەك ۇستەلدiڭ باستى ماقساتى – ق ر قىلمىستىق كودەكسiنiڭ جاڭا رەداكسياسىنداعى ءولiم جازاسى جانە ونىڭ بالاماسىن قولدانۋ سترەتەگياسىن تالداۋ. ساراپشىلاردىڭ باعالاۋى بويىنشا، قىلمىستىق كودەكستiڭ جاڭا رەداكسياسىندا ءولiم جازاسىنا كەسۋ باپتارى كوبەيۋدە. بۇل حالىقارالىق مiندەتتەمەلەرگە جانە ق ر پرەزيدەنتiءنىڭ 2009 جىلعى 24-شi تامىزىندا قابىلدانعان جارلىعىمەن بەكiتiلگەن قۇقىقتىق ساياسي تۇجىرىمداماعا قايشى كەلەدi، سوندىقتان كودەكستiڭ جاڭا رەداكسياسىندا ءولiم جازاسىن قولدانۋدى ازايتۋ ماقساتىندا ساراپشىلار ديالوگى قاجەت. «سوڭعى جارتى عاسىردىڭ iشiندە بۇكiل الەمدە ءولiم جازاسىن جويۋ جانە ونى قولدانۋدى قىسقارتۋ ۇدەرiسi بايقالىپ وتىر. بۇگiنگi كۇنi ءولiم جازاسى تەك 5 ەلدە ساقتالىپ وتىر. ولار: جۇڭگو، يران، پاكiستان، ساۋد ارابياسى مەن اقش. بۇل ەلدەردە ءولiم جازاسىنا كەسۋ كورسەتكiشi 93%-دى قۇرايدى. قالعان رەتتە ءولiم جازاسى بولعانىمەن iس ءجۇزiندە جۇزەگە اسىرىلمايدى. قازاقستان دا الەمدە قالىپتاسقان جاعدايدان سىرت قالماي، 2003 جىلدىڭ جەلتوقسانىنان باستاپ ءولiم جازاسىنا ماراتوريي جاريالاعان. 10 جىلعا جۋىق ۋاقىتتان بەرى جازانىڭ بۇل ءتۇرi ەلiمiزدە قولدانىلمايدى. مەملەكەت باسشىسى كەزەڭ-كەزەڭiمەن ءولiم جازاسىنىڭ سانىن قىسقارتىپ، ونى جويۋعا قاتىستى ناقتى تاپسىرما بەرگەن بولاتىن. وسىعان وراي، جاڭا قىلمىستىق كودەكستە جازانىڭ بۇل ءتۇرiنiڭ قولدانۋىنا قاتىستى ماسەلەلەردiڭ بارلىعىن ناقتى كورسەتۋiمiز قاجەت»، - دەدi جيىندى اشقان ءماجiلiس دەپۋتاتى راحمەت مۇقاشيەۆ. اتالمىش شاراعا ق ر پارلامەنتi دەپۋتاتتارى، مەملەكەتتiك ورگاندار باسشىلارى، ۇكiمەتتiك ەمەس ۇيىمدار، تاۋەلسiز ساراپشىلار جانە حالىقارالىق ۇيىمداردىڭ وكiلدەرi قاتىستى. ءولiم جازاسىن قولدانۋعا ماراتوريي ەنگiزiلگەنگە دەيiن ءولiم جازاسىن كەسۋ تۋرالى 536 ۇكiم جۇزەگە اسىرىلدى. قازاقستان رەسپۋبليكاسى پرەزيدەنتiنiڭ جارلىعى بويىنشا 2003 جىلدان باستاپ ءولiم جازاسىن قولدانۋعا ماراتوريي ەنگiزiلدi. سول ۋاقىتتان باستاپ ءولiم جازاسىن كەسۋ تۋرالى ەشقانداي ۇكiم جۇزەگە اسىرىلعان جوق. بۇگiنگى تاڭدا قازاقستاندا 100-گە جۋىق ازامات ءومiر بويى باس بوستاندىعىنان ايىرۋ جازاسىن وتەۋدە.