بۇگىن تاڭعى ساعات 07:00 شاماسىندا شىمكەنتتە جانتۇرشىگەرلىك جول اپاتى بولدى. ت.رىسقۇلوۆ پەن ادىربەكوۆ كوشەلەرىنىڭ قيىلىسىندا ءۇش كولىك سوقتىعىستى دەپ جازدى Qamshy.kz اقپارات اگەنتتىگى قازاقپارات سايتىنىڭ دەرەگىن نەگىزگە الىپ.
كۋاگەرلەردىڭ سوزىنەن بەلگىلى بولعانداي، «دجەنترا «اۆتوكولىگىنىڭ جۇرگىزۋشىسى «ەۋرازيا» بازارىنا قاراي بۇرىلعان. ءدال سول ساتتە وعان گيپەرحاۋس جاقتان كەلە جاتقان «مەرسەدەس» كولىگى كەلىپ سوعىلعان. «دجەنترا» قاتتى سوققىنىڭ سالدارىنان شەتكە ۇشىپ كەتىپ، جاياۋ جۇرگىنشىلەر جولىمەن ءوتىپ بارا جاتقان بالالى ايەلدى سوققان. وقيعا سالدارىنان كەلىنشەك پەن ومىراۋداعى بالاسى كوز جۇمدى.
«دجەنترا» ەكپىنىمەن توقتاي الماي بىرنەشە مەتر جەردەگى «وپەلگە» سوعىلعان. ونىڭ جولاۋشىلارى كولىكتەن شىعىپ كەتكەن، سالونداعى جۇرگىزۋشىسى قاتتى سوقىدان ەستەن تانىپ قالدى.
«دجەنترا» كولىگىنىڭ جۇرگىزۋشىسى وقيعا ورنىندا قازا تاپتى. ال باسقا زارداپ شەككەندەرگە مەديسينالىق كومەك كورسەتىلدى.
