15 قىركۇيەكتە لاس-ۆەگاستا (اقش، نيەۆادا) ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى،قازاقستاندىق كاسىپقوي بوكسشى گەنناديي گولوۆكين (39-0، 34 كو) مەن مەكسيكالىق ساۋل «كانەلو» الۆارەس (49-1-1، 34 كو) اراسىندا جەكپە-جەك وتەدى. وتانداسىمىزدىڭ جەكپە-جەگىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى، دەپ حابارلايدى Qamshy.kz اقپارات اگەنتتىگى. 

ايتا كەتەيىك، ساۋل «كانەلو» الۆارەسكە قارسى جەكپە-جەكتە گەنناديي گولوۆكين ورتا سالماق دارەجەسىندەگى WBA (Super)، IBF جانە IBO چەمپيوندىق اتاقتارىن قورعايدى. سونداي-اق، مەكسيكالىق «The Ring» جۋرنالىنىڭ بەلبەۋىن باسكە تىگەدى.

بىردە-بىر رەت جەڭىلىپ كورمەگەن گەنناديي گولوۆكين شارشى الاڭدا 36 جەكپە-جەك وتكىزىپ، 33ء-ىن نوكاۋتپەن اياقتاعان. وتانداسىمىز  2014 جىلدىڭ ماۋسىمىنان باستاپ WBA نۇسقاسى بويىنشا سۋپەرچەمپيون، 2011 جىلدان باستاپ IBO نۇسقاسى بويىنشا  الەم چەمپيونى، 2015 جىلدان باستاپ IBF نۇسقاسى بويىنشا  الەم چەمپيونى تيتۋلدارىنا يە. ال، 2016 جىلى ساۋل «كانەلو» الۆارەستىڭ جەكپە-جەك وتكىزۋىنەن باس تارتقاننان كەيىن WBC نۇسقاسى بويىنشا  الەم چەمپيونى اتانعان ەدى.

«قازاقستان» كورپوراسياسى   گەناديي گولوۆكيننىڭ بارلىق جەكپە-جەكتەرىن تۇراقتى تۇردە كورسەتىپ كەلەدى. وسى كۇنگە دەيىن «Qazaqstan»  جانە «Qazsport» تەلەارنالارى قازاقستان اۋماعىندا 10-نان استام جەكپە- جەگىن تىكەلەي ەفيردە تاراتقان. 

جىلدىڭ باستى جەكپە-جەگىن 16 قىركۇيەكتە «Qazaqstan» جانە «Qazsport» تەلەارنالارىنىڭ تىكەلەي ەفيرىندە كورە الاسىزدار! 

سونداي-اق، گولوۆكيننىڭ جەكپە-جەگىن “Qazaqstan TV” موبيلدىك قوسىمشاسى ارقىلى كورە الاسىزدار!