قازاقستاندىق دزيۋدوشى ەلدوس جۇماقانوۆ يندونەزيادا ءوتىپ جاتقان 2018 جىلعى ازيا ويىندارىنىڭ قولا جۇلدەسىن يەلەندى، دەپ حابارلايدى vesti.kz.

66 كەلىگە دەيىنگى سالماقتا كۇرەسەتىن جۇماقانوۆ سوڭعى جەكپە-جەگىندە كاتارلىق ايۋب ال-يدريسسيمەن بەلدەستى.

ايتا كەتكەن ءجون، 28 جاستاعى جۇماقانوۆ ازياداعا العاش رەت قاتىسىپ وتىر. بىلتىر ول ازيا چەمپيوناتىنىڭ فينالىنا دەيىن جەتكەن، ال ونىڭ الدىندا ەكى رەت قولا جۇلدەگەرى بولعان.

جۇماقانوۆتىڭ جۇلدەسى قازاقستان ءۇشىن 2018 جىلعى ازيادادا 50ء-شى بولدى. جالپى ەلىمىزدىڭ قورجىنىندا 33 قولا، سەگىز التىن جانە توعىز كۇمىس بار.

مۇنىڭ الدىندا 48 كەلىگە دەيىن بەلدەسەتىن گالبادراح وتگونسەسەگ 2018 جىلعى ازيادانىڭ قولا جۇلدەسىنە قول جەتكىزگەن. ءۇشىنشى ورىن ءۇشىن دزيۋدوشى قىزىمىز قىتايلىق ياو سيۋنمەن كۇرەسىپ، ونى انىق باسىمدىقپەن (ەسەپ 10:0) جەڭدى.

سونىمەن بىرگە، قازاقستاندىق ۆەلوشاباندوز ارتەم زاحاروۆ ءتورت شاقىرىمعا جەكەلەي جارىستا كقولا جۇلدە يەلەنگەن ەدى.