WBC، WBA (Super) جانە IBO چەمپيونى گەنناديي گولوۆكيننىڭ (38-0-1، 34 كو) پروموۋتەرى توم لەففلەر ارىپتەسى وسكار دە لا حوييانىڭ «قازاقستاندىق بوكسشى مەكسيكالىق ساۋل "كانەلو" الۆارەسپەن (49-1-2، 34 كو) قارىمتا جەكپە-جەك الدىندا ۇلتتىق گيمندى ورىنداۋدان باس تارتتى» دەگەن سوزىنە جاۋابىن بەردى. بۇل تۋرالى vesti.kz جازدى.

دە لا حوييانىڭ سوزىنشە، مۇنداي ۇسىنىستى گولوۆكيننىڭ كومانداسى ايتقان. وسىلايشا، ول قازاقستاندىقتىڭ وتانسۇيگىشتىگىنە كۇمان كەلتىرەدى 

«گولوۆكيننىڭ ادامدارى جەكپە-جەك الدىندا قازاقستان، مەكسيكا مەن اقش گيمندەرىنىڭ ورىندالعانىن قالاماي تۇر. تاعى قانداي تالاپ قويادى؟ قۇدايىم-اۋ، ەندى جەكپە-جەكتى دە وتكىزبەيتىن شىعارمىز؟ ءجاي عانا بار دا، جۇدىرىقتاسساڭشى!" - دەگەن ەدى دە لا حويا.

ال لەففلەر ارىپتەسىنىڭ ءسوزىن جالعان دەيدى.

"وسكاردىڭ ايتقانىن العاش ەستىپ وتىرمىن، بۇل جالعان»، - دەپ كەلتىرەدى لەففلەردىڭ ءسوزىن boxing247.com.

«ال شىنىنا كەلگەندە گولوۆكيننىڭ كومانداسى قازاقستان، مەكسيكا جانە اقش-تىڭ گيمندەرى PPV تارنسلياسيالار باستالماي تۇرىپ ورىندالۋىن سۇراعان. بۇل جەكپە-جەكتەردىڭ كىدىرىسسىز وتكىزىلۋىنە مۇمكىندىك بەرەدى. HBO ارناسى بۇل ويدى قولداپ، گيمندەر ۇنەمى ترانسلياسيا باستالماي تۇرىپ ورىندالۋىن قالايدى. ال گەنناديي ءوز ەلى قازاقستاننىڭ، مەكسيكا مەن تۇرىپ جاتقان اقش گيمندەرىنە قۇرمەتى جوق دەۋ ارتىق، جالعان ەكەنى انىق. وسكار جانە "كانەلو" گەننادييگە تاعى ءبىر كەشىرىم قارىز بولدى. بۇل گەنناديي "كانەلو" تاراپىنا نەلىكتەن سەنبەيتىنىن تاعى دا اشىپ كورسەتىپ تۇر»، - دەپ ءسوزىن قورىتىندىلادى لەففلەر.