دارحان ءقىدىرالى حالىقارالىق تۇركى اكادەمياسىنىڭ ەكىنشى مەرزىمىنىڭ پرەزيدەنتى بولدى. شولپان-اتادا وتكەن تۇركى كەڭەسىنىڭ VI سامميتىندە مەملەكەت باسشىلارى حالىقارالىق تۇركى اكادەمياسىنىڭ قىزمەتى مەن اتقارعان اۋقىمدى ىستەرىنە ريزاشىلىق ءبىلدىردى. سونىمەن قاتار، اكادەميا پرەزيدەنتى دارحان ءقىدىرالىنىڭ قىزمەتىن ەكىنشى مەرىزىمگە ۇزارتتى. بۇل تۋرالى اكادەميانىڭ باسپا ءسوز قىزمەتى حابارلادى.

سامميتكە قاتىسۋشىلار TWESCO اتقارعان جۇمىستارعا، اتاپ ايتقاندا ۇيىمنىڭ عىلىمي-ۇيىمداستىرۋشىلىق قىزمەتىنە، جۇرگىزگەن ارxەولوگيالىق قازبا جۇمىستارىنا، ازىرلەگەن «ورتاق تۇركى تاريxى» وقۋلىعى، «اتالار ميراسى»، "تۇركبارومەتر" سىندى جوبالارىنا، بۇۇ، يۋنەسكو-دا ۇيىمداستىرعان ىرگەلى شارالارىنا، وتكىزگەن xالىقارالىق فورۋمدارىنا، شىعارعان 90-نان استام عىلىمي ەڭبەكتەرى مەن كىتاپتارىنا ريزاشىلىق ءبىلدىردى.

ءسامميتتىڭ قورىتىندىسى بويىنشا قابىلدانعان دەكلاراسيادا اكادەميا جۇمىسىنا جوعارى باعا بەرىلدى.