ق ر ۇلتتىق بانكى 2018 جىلعى 2ء-شى توقسانداعى قازاقستاننىڭ سىرتقى قارىزدارىنداعى وزگەرىستەر تۋرالى جاريالادى، دەپ حابارلايدى Qamshy.kz اقپارات اگەنتتىگى.

2018 جىلى 1 شىلدەدەگى جاعداي بويىنشا قازاقستان رەسپۋبليكاسىنىڭ سىرتقى بورىشى 164،4 ملرد اقش دوللارىن نەمەسە ىجو-گە قاتىناسى 96،3% (جىل باسىنان باستاپ 6،3%-عا جاقسارىپ) قۇرادى. سىرتقى بورىش قۇرىلىمىندا 63،0%-ىن ادەتتەگىدەي فيرماارالىق بەرەشەك، 26،1% بايلانىستى ەمەس كرەديتورلار الدىنداعى «باسقا سەكتورلاردىڭ» سىرتقى بورىشى، 7،2% مەملەكەتتىك سىرتقى بورىش (ۇكىمەت پەن ۇلتتىق بانك)، 3،7% - «بانكتەر» سەكتورىنىڭ سىرتقى مىندەتتەمەلەرى (ەدب جانە «قازاقستاننىڭ دامۋ بانكى» اق) الىپ وتىر.

2018 جىلعى 2ء-شى توقساندا ەلدىڭ سىرتقى بورىشى 2،2 ملرد اقش دوللارىنا قىسقاردى.

ازايۋ تولەم بالانسىنىڭ وپەراسيالارى ەسەبىنەن (قىتايدىڭ ۇلەستەس ۇيىمدارىنان جانە قارجىلىق ۇيىمدار سينديكاتتارىنان تارتىلعان سىرتقى قارىزداردى وتەۋ، شەتەل ينۆەستورلارىنىڭ ۇلتتىق بانكتىڭ قىسقا مەرزىمدى نوتالارىنا سۇرانىسىنىڭ ازايۋى)، سونىمەن قاتار وپەراسيالىق ەمەس وزگەرىستەر (قازاقستاندىق ەميتەنتتەردىڭ بورىشتىق باعالى قاعازدارىنىڭ نارىقتىق قۇنىنىڭ تومەندەۋى، تەرىس باعام ايىرماسى) ەسەبىنەن ورىن الدى.

تالدامالىق ماقساتتا سىرتقى بورىش قۇرىلىمىندا 2018 جىلعى 1 شىلدەدە 26،5 ملرد اقش دوللاردى قۇرعان مەملەكەت باقىلايتىن ۇيىمداردىڭ سىرتقى بورىشى (مەملەكەتتىك سەكتور كاپيتالىنا 50%-دان استام تىكەلەي نەمەسە جاناما قاتىساتىن بانكتەر مەن ۇيىمدار) جەكە كورىنەدى. 2018 جىلعى 2-توقساندا 0،6 ملرد اقش دوللارىنا ازايۋ «سامۇرىق-قازىنا» ءۇاق» اق-تىڭ «كمگ كاشاگان ب.ۆ.» قومپانياسىندا 50% قاتىسۋ ۇلەسىن ساتىپ الۋ ءۇشىن 2015 جىلى تارتىلعان قارىزىن مەرزىمىنەن بۇرىن وتەۋى، سونداي-اق كۆازيمەملەكەتتىك ەميتەنتتەردىڭ ەۋرووبليگاسيالارىنىڭ نارىقتىق قۇنىنىڭ تومەندەۋى ەسەبىنەن بولدى.

قازاقستان رەسپۋبليكاسىنىڭ تازا سىرتقى بورىشى 2018 جىلعى 2-توقساندا 0،5 ملرد اقش دوللارىنا ۇلعايىپ، 46،6 ملرد اقش دوللارىن قۇرادى. بۇل رەتتە مەملەكەتتىك سەكتور جانە «بانكتەر» قالعان الەمگە قاتىستى تازا كرەديتورلار بولدى، ال «باسقا سەكتورلار» تازا قارىز الۋشىلار بولىپ تابىلادى.