«الماتى قالاسىنىڭ توتەنشە جاعدايلار دەپارتامەنتىنىڭ كەزەكشىلىك نومىرىنە 19 قازان كۇنى تۇنگى ساعات 22-13-تەر شاماسىندا مەدەۋ اۋدانىنىڭ ەلەبەكوۆ كوشەسىنىڭ بويىندا ورنالاسقان 4 قاباتتى عيماراتتىڭ 2ء-شى قاباتىنان ءورت شىققاندىعى تۋرالى حابار ءتۇستى. ءورت سوندىرۋشىلەردىڭ العاشقى توبى وقيعا ورنىنا 8 مينۋتتان سوڭ، ساعات 22-21-دە جەتتى»، – دەپ حابارلادى الماتى قالاسىنىڭ توتەنشە جاعدايلار دەپارتامەنتىنىڭ رەسمي وكىلى ساندۋعاش بايمۇحانبەتوۆا.

ءورت سوندىرۋشىلەر وقيعا ورنىنا جەتكەنشە «پاراسات» قوناق ءۇيىنىڭ 1ء-شى قاباتىنان قويۋ ءتۇتىن شىققانى، ال 2ء-شى قاباتىنان جالىن بايقالعان.

«ءمالىم بولعانىنداي، 4 قاباتتى قوناق ءۇيدىڭ 2ء-شى قاباتىندا ەكى ءنومىر مەن ءدالىز ورتەنگەنى بەلگىلى بولدى»، – دەپ قوستى رەسمي وكىل.

توتەنشە جاعدايلار قىزمەتكەرلەرىنىڭ كۇشىمەن ءورتتىڭ وزگە بولمەلەرگە ەنۋىنە توسقاۋىل قويىلدى. ءورت ساعات 22-34-تە اۋىزدىقتالدى، ال 00-11-دە تولىقتاي ءسوندىرىلدى. جالىن شارپىعان ايماق 90 شارشى مەتردى قۇرادى.

وقيعانىڭ سالدارىنان زارداپ شەككەندەر مەن مەرت بولعاندار جوق.

وسىعان دەيىن الماتى وبلىسىندا بازار ورتەنگەنى حابارلاندى.