ءقازىر دە، بولاشاقتا دا درولىق قارۋسىز ايماقتار جاھاندىق يادرولىق قارۋسىزدانۋ جانە يادرولىق قارۋدى تاراتپاۋ ىسىندە ماڭىزدى ەلەمەنت بولىپ قالا بەرمەك جانە يادرولىق قارۋسىز الەمگە قول جەتكىزۋگە باعىتتالعان حالىقارالىق كۇش-جىگەردىڭ نەگىزى بولۋى ءتيىس. بۇل تۋرالى قازاقستاننىڭ بۇۇ جانىنداعى تۇراقتى وكىلدىگىنىڭ بۇۇ-نىڭ قارۋسىزدانۋ جونىندەگى بولىمىمەن بىرلەسىپ، نيۋ-يوركتە ۇيىمداستىرعان يادرولىق ماسەلەلەردى تالقىلاۋ جونىندە فورۋمنىڭ قاتىسۋشىلارى اتاپ ءوتتى.

قازاقستاننىڭ سىرتقى ىستەر ءمينيسترىنىڭ ورىنباسارى ەرجان اشىقبايەۆ يادرولىق قارۋسىز ايماقتار بىر-بىرىمەن تىعىز جانە ءتيىمدى ءوزارا ارەكەتتەسكەن جاعدايدا ۇلكەن جەتىستىككە جەتە الاتىندىعىن اتاپ ءوتتى. بۇل قارۋسىزدانۋ ماسەلەلەرىن شەشۋدەگى ولاردىڭ ساياسي سالماعىن جانە بەدەلىن ارتتىرادى.

قازاقستاندىق ديپلومات: «2017 جىلدىڭ تامىزىندا ماگاتە-نىڭ تومەن بايىتىلعان ۋران بانكىنىڭ قازاقستاندا اشىلۋ سالتاناتىندا  جاريالانعان يادرولىق قارۋسىز ايماقتاردىڭ كۇش-جىگەرىن نىعايتۋ جونىندەگى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسى ءبىزدىڭ ۇجىمدىق كۇش-جىگەرىمىزدى ىسكە اسىرۋ ءۇشىن وزەكتىلىگى جوعارى»، - دەپ مالىمدەي وتىرىپ، جوعارى دەڭگەيدەگى ايماقارالىق كەزدەسۋلەردى تۇراقتى نەگىزدە ۇيىمداستىرۋ ءداستۇرىن قالىپتاستىرۋدىڭ ماڭىزدىلىعىن اتاپ ءوتتى.

–قازاقستان ايماق ­اراسىنداعى ءوزارا ارەكەتتەستىكتى كۇشەيتۋ بويىنشا بىرىككەن قادامداردى جان-جاقتى تالقىلاۋ ءۇشىن قازىرگى بارلىق يادرولىق قارۋسىز ايماقتاردىڭ جانە مونعوليانىڭ كوشباسشىلارىن، سونداي-اق وسى سالاداعى كورنەكتى بەلسەندىلەردى شاقىرا وتىرىپ، وسىنداي العاشقى كەزدەسۋدى ءوز اۋماعىندا ۇيىمداستىرۋعا دايىن، – دەپ اتاپ ءوتتى ەرجان اشىقبايەۆ.

ءىس-شاراعا بۇۇ باس حاتشىسىنىڭ ورىنباسارى جانە قارۋسىزدانۋ ماسەلەلەرى جونىندەگى جوعارى وكىلى يزۋمي ناكاميسۋ، لاتىنامەريكاسى مەن كاريب باسسەينىندە يادرولىق قارۋعا تىيىم سالۋ جونىندەگى اگەنتتىكتىڭ (OPANAL) باس حاتشىسى لۋيس فيليپە دە ماسەدو سۋارەش، بۇۇ قارۋسىزدانۋ پروبلەمالارىن زەرتتەۋ ينستيتۋتىنىڭ (يۋنيدير) اعا وكىلى دجون بورري، مونعوليانىڭ بۇۇ جانىنداعى تۇراقتى وكىلى سۋحبولد سۋكحي، سونداي-اق بۇۇ-عا مۇشە مەملەكەتتەردىڭ باسقا دا جوعارى وكىلدەرى قاتىستى.

فورۋمنىڭ قاتىسۋشىلارى يادرولىق قارۋسىز ايماقتار اراسىنداعى ءوزارا ارەكەتتەسۋدىڭ قازىرگى پروبلەمالارىن، سونىڭ ىشىندە ينستيتۋسيالاندىرۋ مەن الەۋەتتىڭ ءارتۇرلى دەڭگەيىن قاراستىردى، سونداي-اق 2020 جىلعى يادرولىق قارۋسىز ايماقتارعا قاتىسۋشى مەملەكەتتەردىڭ ءتورتىنشى كونفەرەنسياسىنىڭ قارساڭىندا ءتيىمدى ىنتىماقتاسۋعا شاقىردى.

ي. ناكاميسۋ، بۇۇ باس حاتشىسىنىڭ قارۋسىزداندىرۋ تۋرالى جاڭا كۇن تارتىبىنە سۇيەنە وتىرىپ، يادرولىق قارۋدان ازات ايماقتاردى نىعايتۋ جانە كۇشەيتۋ جانە تاياۋ شىعىس سياقتى وڭىرلەردە وسىنداي ايماقتاردى ودان ءارى قۇرۋ ماقساتىندا مۇشە-مەملەكەتتەرمەن  جۇمىس ىستەۋگە داي ىن ەكەنىن ءبىلدىردى.

سول كۇنى بۇۇ قاۋىپسىزدىك كەڭەسىندە تاياۋ شىعىستاعى جاعداي، ونىڭ ىشىندە پالەستينا ماسەلەسى بويىنشا اشىق پىكىرتالاستار ءوتتى.

ەرجان اشىقبايەۆ پىكىرتالاستاردا سويلەگەن سوزىندە تاياۋ شىعىستاعى وقيعالاردىڭ تۇراقسىزدىعى مەن ءوزارا بايلانىسى تەك وسى وڭىردە عانا ەمەس، سونىمەن قاتار، ودان تىس جەرلەردە الاڭداۋشىلىق تۋعىزىپ، جاھاندىق قاۋىپسىزدىككە ەلەۋلى ىقپالىن تيگىزىپ جاتقانىن اتاپ ءوتتى.

ول قازاقستاننىڭ  پالەستينانىڭ تاۋەلسىزدىككە، ءيزرايلدىڭ قاۋىپسىزدىككە قول جەتكىزۋ قۇقىعىن قولداۋعا قاتىستى پوزيسياسىن قايتا اتاپ، بۇۇ  جارعىسىنا جانە بۇۇ قك ءتيىستى قارارلارىنا سايكەس ەكىجاقتى فورماتتا جانە الدىن الا شارتسىز كەلىسسوزدەردى جۋىق ارادا وتكىزۋگە شاقىردى.

قازاقستاننىڭ وكىلى ءوز سوزىندە سيرياداعى، ليۆانداعى، يراكتاعى، يەمەندەگى جاعدايلارعا توقتالدى جانە 46 مەملەكەتتىڭ بەدەلدى رۋحاني كوشباسشىلارى مەن ءدىني قايراتكەرلەرىنىڭ قاتىسۋىمەن استانادا وتكەن الەمدىك جانە ءداستۇرلى دىندەر كوشباسشىلارىنىڭ VI سەزىنىڭ قورىتىندىسى تۋرالى بايانداپ بەردى.

ەركىن قالدان