تالدىقورعان قالاسىنىڭ «جاستار» سپورت سارايىندا اسكەري پوليسيا ءبولىمىنىڭ ۇيىمداستىرۋىمەن اسكەري بولىمدەر اراسىندا بيلياردتان جارىس وتكىزىلدى. اتالعان جارىسقا تالدىقورعان گارنيزونىندا ورنالاسقان اسكەري پوليسيا، 54380، 18404، 21751، 48386، 18386، 15603، 5514 اسكەري بولىمدەرىنىڭ اسكەري قىزمەتشىلەرى قاتىستى. ويىنشىلار كوماندالىق جانە جەكە دارا رەيتنيگىسى بويىنشا ب ا ق سىناسىپ، شەبەرلىكتەرىن پاش ەتتى.

تالدىقورعان گارنيزونى بويىنشا اسكەري پوليسيا ءبولىمىنىڭ كاپيتانى ەرلىك نەسىپبايەۆ مۇنداي سپورتتىق سايىستاردىڭ ءبىر گارنيزونىندا ورنالاسقان اسكەري بولىمدەر اراسىندا جىل سايىن ءداستۇرلى تۇردە ۇيىمداستىرىلاتىنىن اتاپ ءوتتى.

اتالعان جارىس سالاۋاتتى ءومىر سالتىن ۇستانۋعا، ءار اسكەري بولىمدەردەگى اسكەري قىزمەتشىلەر اراسىندا دوستىق بايلانىستى نىعايتۋعا باعىتتالعان. جارىستا وزىق شىعىپ، اسكەري پوليسيا ءبولىمىنىڭ بەدەلىن كوتەرگەن مايور ن.راحمەتوۆ، مايور س.مولداحانوۆ، كاپيتان ن.ءامىروۆتىڭ كاسىبي شەبەرلىكتەرىن ەرەكشە اتاپ وتكەن ءجون، - دەدى كاپيتان ە.نەسىپبايەۆ.

جارىس قورىتىندىسى بويىنشا بەلسەندىلىك تانىتىپ، كوماندالىق ەسەپتە 1ء-شى ورىنعا اسكەري پوليسيا ءبولىمى شىقسا، 2-ورىندى 21751 اسكەري ءبولىمى يەمدەندى، ال 54380 اسكەري ءبولىمىنىڭ قاتىسۋشىلارى 3-ورىندى قاناعات تۇتتى. جەكە دارا رەيتينگى بويىنشا تالدىقورعان گارنيزونى اسكەري پوليسيا ءبولىمىنىڭ وفيسەرى مايور س.مولداحانوۆ ءبىرىنشى ورىنعا يە بولدى.

جەڭىمپازدار ارنايى كۋبوكپەن جانە گراموتالارمەن ماراپاتتالدى.