قاراعاندى كوشەلەرىندەگى جارنامالاردا ورفوگرافيكالىق قاتە ءورىپ ءجۇر، دەپ حابارلايدى
24 كز.ورىس تىلىنەن ساۋاتسىز اۋدارىلعان جازۋلارى بار ماڭدايشا مەن تاقتايشانىڭ دەنى جەكە كاسىپ يەلەرىنە تيەسىلى. «جالپى ق ر تىلدەر تۋرالى زاڭ شاعىن جانە ورتا بيزنەس سالاسىندا ورەسكەل بۇزىلادى» – دەيدى ماماندار. ماسەلەن، قۇرىلىس ماتەريالدارىن ساتاتىن ورتالىقتىڭ جارناما تاقتاسىندا قازاق ءتىلى ابدەن قورلانعان. قاراعاندى وبلىستىق تىلدەردى دامىتۋ باسقارماسىنىڭ ماماندارى كاسىپكەرلەرگە ەسكەرتۋ جاساپ، كەمشىلىكتى تۇزەتۋگە ءبىر اي ۋاقىت بەردى.
حاميت وماروۆ، قاراعاندى وبلىستىق تىلدەردى دامىتۋ جونىندەگى باسقارما باستىعى: - جىل بويىندا لاۋازىمدى، جەكە كاسىپكەرلەر نەمەسە زاڭدى تۇلعالار تاراپىنان كورنەكى اقپاراتپەن دەرەكتەمەلەردى ورنالاستىرۋدا كەمشىلىكتەر تابىلاتىن بولسا، ولار ءبىرىنشى جولى ەسكەرتۋ الادى. سوسىن جىل بويىندا اتالعان كەمشىلىكتەر قايتالاناتىن بولسا، وندا ولارعا ءار كاتەگوريا بويىنشا ايىپپۇل سالۋعا مۇمكىندىك تۋادى.
پىكىر قالدىرۋ