ەلباسىنىڭ باتاسىن العان ابىلاي ساتىلحان ءقازىر نازاربايەۆ ۋنيۆەرسيتەتىندە "ساياساتتانۋ جانە حالىقارالىق قاتىناستار" ماماندىعى بويىنشا ءبىلىم الىپ جاتىر دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

قازاقستان پرەزيدەنتى نۇرسۇلتان نازاربايەۆ 17 جىل بۇرىن ءوزى تۇساۋىن كەسكەن ستۋدەنتپەن كەزدەستى.

استانادا نازاربايەۆ زياتكەرلىك مەكتەپتەرىنىڭ ون جىلدىعىنا وراي وتكەن فورۋمدا قازاقستان پرەزيدەنتى 17 جىل بۇرىن تۇساۋىن كەسكەن ستۋدەنت ابىلاي ساتىلحانمەن كەزدەستى.

ابىلاي الماتى قالاسىنىڭ حيميا-بيولوگيا باعىتىنداعى نازاربايەۆ زياتكەرلىك مەكتەبىن ءتامامداعان. ءقازىر نازاربايەۆ ۋنيۆەرسيتەتىندە ءبىرىنشى كۋرستا وقيدى. ءۇش ءتىلدى جەتىك مەڭگەرگەن، اكادەميالىق بىلىممەن بىرگە جاساندى ينتەللەكت، باعدارلامالاۋ، روبوتوتەحنيكا، نانو جانە بيوتەحنولوگيا، بيزنەس جۇرگىزۋ سياقتى سان ءتۇرلى سالادا ءبىلىمىن شىڭداعان جاس. 

"وسىدان ون جەتى جىل بۇرىن استانادا ءسىز مەنىڭ تۇساۋىمدى كەسكەن ەدىڭىز. مەن بۇگىن ءبىزدىڭ اۋلەتتىڭ تۇمارى سەكىلدى ءاردايىم توردە ءىلىنىپ تۇراتىن مىنا سۋرەتتى وزىڭىزگە الا كەلدىم. ءسىز ماعان "ازامات بول" دەپ باتا بەرىپسىز. مەن وسى موتيۆاسيامەن ءومىر ءسۇرىپ، ءوزىڭىز ايتقانداي مىقتى ازامات بولۋعا، ەلىم ءۇشىن قىزمەت ەتۋگە ۋادە بەرەمىن"، — دەدى ابىلاي پرەزيدەنتكە سىيلىعىن تابىستاي وتىرىپ.  

مەملەكەت باسشىسى وقۋشىنىڭ سىيلىعىن قۋانا-قۋانا قابىل الدى.