قازاقستان پرەزيدەنتى نۇرسۇلتان نازاربايەۆ جاستاردى شەتەل ءتىلىن، اسىرەسە جۇڭگو ءتىلىن ۇيرەنۋگە شاقىردى ەپ حابارلايدى قازاقستاندىق بۇقارالىق اقپارات قۇرالدارى. نازاربايەۆ بۇل تۋرالى بۇگىن استانادا «نازاربايەۆ زياتكەرلىك مەكتەپتەرى» (نزم) دەربەس ءبىلىم بەرۋ ۇيىمىنىڭ 10 جىلدىعىنا ارنالعان «ۇلى دالا مۇراگەرلەرى» اتتى فورۋمدا ايتقان دەپ جازادى Qamshy.kz اقپارات اگەنتتىگى  ازاتتىقتىڭ دەرەگىن نەگىزگە الىپ. 

«بيىلعى وقۋ جىلىندا نزم وقۋشىلارى ەكىنشى شەتەل ءتىلىن ءوز تاڭداۋى بويىنشا وقي باستادى. جاھاندانۋ داۋىرىندە شەتەل تىلدەرىن ءبىلۋ ءومىر قاجەتتىلىگ بولىپ وتىر. ەڭ كوپ تاراعان ءتىل – اعىلشىن، ەكىنشى ورىندا يسپان ءتىلى دەپ سانالادى. ءبىراق ءبىز ءۇشىن جۇڭگو ءتىلى وتە ماڭىزدى»، - دەگەن نازاربايەۆ.

ول قازىرگى كەزدە قازاقستاننىڭ جالپى سىرتقى ساۋدا كولەمىنىڭ 20 پايىزىن قىتايمەن اراداعى ساۋدا قۇرايتىنىن ايتقان. ال رەسەيمەن كورسەتكىش - 22، ەۋروپا وداعىمەن - 30 پايىزدى قۇرايدى.

«جاپونيادا دا، قىتايدا دا بيزنەس اعىلشىن تىلىندە سويلەيدى، ءبىراق ەكونوميكالىق بايلانىس ميللياردتى قۇرايتىن جۇڭگو ءتىلى باسىم بولاتىنىن كورسەتەدى. مەن ۇيرەنىپ كورگەن جوقپىن، ءبىراق وزگەلەرمەن سالىستىرعاندا قازاقتارعا جەڭىل دەپ ايتادى»، - دەگەن نازاربايەۆ.