بيىل قاڭتاردا اقتوبە وبلىسىندا ورتەنىپ، 52 ادام اجال قۇشقان اۆتوبۋستىڭ يەسى – قازاقستان ازاماتى وزبەكستاندا ۇستالعان دەپ حابارلايدى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الا وتىرىپ.
قاڭتاردىڭ 18ء-ى كۇنى اقتوبە وبلىسى ىرعىز اۋدانى اۋماعىندا جولاۋشىلار اۆتوبۋسىندا ءورت شىعىپ، سالدارىنان وزبەكستاننىڭ 52 ازاماتى مەرت بولعان ەدى. ورتتەن زارداپ شەككەن بەس ادام ءتىرى قالعان. تەرگەۋشىلەر بولجامى بويىنشا، ءورتتىڭ شىعۋىنا جۇرگىزۋشىلەردىڭ قاۋىپسىزدىك ەرەجەسىن ساقتاماۋى سەبەپ بولعان.
"بۇل اۆتوبۋستىڭ يەسى - 46 جاستاعى قازاقستان ازاماتى و.م. قازاقستاندىق قۇقىق ورگاندارىنا كەلمەي، تەرگەۋدەن ءىز جاسىرعان. قازاقستاندا وعان قىلمىستىق كودەكستىڭ "كولiك قۇرالدارىن ساپاسىز جوندەۋ نەمەسە ولاردى تەحنيكالىق اقاۋلارىمەن پايدالانۋعا شىعارۋ" تۋرالى 348-بابىنىڭ 4-تارماعىندا قاراستىرىلعان قىلمىس جاساعان دەگەن ايىپ تاعىلعان" دەپ حابارلاعان تاشكەنت قالالىق ىشكى ىستەر باسقارماسى Podrobno.uz سايتىنا.
حالىقارالىق ىزدەۋ جاريالانعان و.م. بىرلەسكەن جەدەل-ىزدەستىرۋ شارالارى بارىسىندا قاراشانىڭ 20-سى كۇنى تاشكەنتتىڭ سەرگەلى اۋدانىندا ۇستالىپ، ونى قازاقستانعا ەكستراديسيالاۋ ماسەلەسى شەشىلگەنشە قامالعان دەپ حابارلايدى وزودليك.
