تورەشىلەردىڭ شەشىمىمەن دامير يسماعۇلوۆ اۋستراليالىق الەكس دجوردجەستەن باسىم ءتۇستى دەپ جازادى Qamshy.kz اقپارات اگەنتتىگى Prosports.kz سايتىنا سىلتەمە جاساپ.
جاقىندا عانا ەرەجەسىز جەكپە-جەك الەمىندەگى ەڭ بەلدى ۇيىم قاتارىنا قوسىلعان قازاق جىگىتى دامير يسماعۇلوۆ 2 جەلتوقساندا UFC-دەگى دەبيۋتىن وتكىزدى.
دامير يسماعۇلوۆ (16-2) جەڭىلىپ كورمەگەن اۋستراليالىق الەكس دجوردجەسپەن (7-0) سىنعا ءتۇستى. جەكپە-جەك بارلىعى 3 راۋندقا سوزىلدى. تورەشىلەردىڭ شەشىمىمەن دامير جەڭىسكە جەتتى.
"حيتمان" اتىمەن تانىمال الەكس دجوردجەس — 23 جاستاعى ارالاس جەكپە-جەك شەبەرى، Australia Top Team مۇشەسى، UFN پروموۋشەنىنىڭ چەمپيونى. ايتا كەتەيىك، اۋستراليالىق فايتەر دە UFC-دەگى دەبيۋتىن جاسايدى. جەتى رەت جەكپە-جەك وتكىزىپ، ونىڭ بارلىعىندا دا جەڭىسكە جەتكەن.
