قازاقستاندا 18 ساۋىردەن باستاپ ق ر دەنساۋلىق ساقتاۋ جانە الەۋمەتتىك دامۋ مينيسترلىگىندە ءبىرقاتار زاڭنامالىق اكتىلەرگە وزگەرتۋلەر مەن تۇزەتۋلەر ەنگىزىلگەنى بەلگىلى. ءيا، جاڭا زاڭدا كەيبىر تاباك ونىمدەرىنىڭ ساۋداسىنا شەكتەۋ قويىلعان. سونىڭ ىشىندە قۇرامىنداعى نەكوتين مەن شايىر كولەمى بەلگىلەنگەن مولشەردەن اسىپ كەتكەن جانە سانيتارلىق تالاپتارعا مۇلدەم ساي كەلمەيتىن بولعاندىقتان جايما-بازارلار مەن دۇكەندەردە "ناسىبايعا" جاڭا زاڭ شەكتەۋ جاساعان بولاتىن. دەنساۋلىققا زيان بۇل تاۋار ءتۇرىن شەكەرادان ەنگىزۋ، ءوندىرۋ جانە ساۋداعا سالۋعا تىيىم سالىنعانىمەن، قازاقستاننىڭ كەيبىر ايماقتارىندا ناسىباي ساۋداسى ءالى كۇنگە ءورشىپ تۇرعانى بەلگىلى بولدى.

اقتاۋ قالاسىنداعى ورتالىق بازار ساۋداگەرلەرى قازاقستاندا ناسىباي ساۋداسىنا زاڭمەن تىيىم سالىنعانىنان حاباردار بولسا دا، اشىقتان-اشىق كوكنار ساتۋلارىن جالعاستىرۋدا. بۇل تۋرالى ماڭعىستاۋ وبلىستىق "Lada.kz" سايتى جازادى.

الەۋمەتتىك جەلىگە تاراعان بۇل بەينە-روليكتە ساۋداگەرلەر ناسىباي ساۋداسىنا قاتىستى جاڭا زاڭ قابىلدانعانىنان تولىقتاي حاباردار ەكەندىكتەرىن، الايدا تۇتىنۋشىلار سۇرانىسىنا وراي جاسىرىپ ساتاتىندىقتارىن ايتقان.

ال ماڭعىستاۋ وبلىستىق ءىىد باسپاسوز-قىزمەتىنىڭ ايتۋىنشا زاڭمەن تىيىم سالىنعان ناسىباي ءونىمىن شەكارادان وتكىزگەن، وندىرگەن نەمەسە ساۋدالاۋشىلارعا ايىپپۇل سالىناتىنىن ايتادى. ءتىپتى، ق ر اكىمشىلىك كودەكسىنىڭ ءۇش بىردەي بابى بويىنشا، 199، 434 جانە 441 باپتار بويىنشا جاۋاپقا تارتۋ دا قاراستىرىلعان.

ەستەرىڭىزگە سالا كەتەيىك، 18 ساۋىردەن باستاپ قازاقستان تەرريتورياسىندا ناسىباي ساۋداسىنا جانە ءبىرقاتار الكوگولدىك جانە تاباك ونىمدەرىنە تىيىم سالىنعان بولاتىن.

نۇرزات توعجان