بۇگىن ۇلت قايراتكەرى، مەملەكەتشىل، ۇلتجاندى ازامات قازاقستاننىڭ رەسەيدەگى ەلشىسى يمانعالي تاسماعامبەتوۆتىڭ تۋعان كۇنى.
♦يمانعاليدىڭ قازاققا قاتىستى ايتقان قاناتتى سوزدەرى
62 جاسقا تولعان قايراتكەردىڭ قۇرمەتىنە جاڭا ءان دۇنيەگە كەلىپتى. قاينار قاتپاي ءوزىنىڭ ينستاگرام پاراقشاسىندا قازاقتان ءسۇيىنشى سۇرادى:
«قۇرمەتتى دوستار، ءقادىرلى ءان سۇيەر اعايىن! حالقىمىزدىڭ سان عاسىرلىق تاريحىندا ەلگە ەڭبەگى سىڭگەن تۇلعالار از بولعان جوق. ۇلتتىڭ ۇلى مۇراتىن ورىنداۋ جولىندا ولار بار ءومىرىن ارنادى. تاۋەلسىزدىك العاننان كەيىن دە بۇل ءۇردىس توقتاعان ەمەس. ناقتىراق ايتساق، الاش بالاسىنىڭ «ماڭگىلىك ەل» بولۋ ارمانىن جاڭا زاماننىڭ جاڭاشىل تۇلعالارى جالعاستىردى. وسى ۇلى ساپاردا پرەزيدەنتىمىز ن.ءا.نازاربايەۆتان باستاپ ەلباسىنىڭ سەنىمدى سەرىكتەرىنە اينالعان ءار ازاماتتىڭ ەڭبەگى ەسەلى. سولاردىڭ قاتارىندا يمانعالي نۇرعالي ۇلى دا بار. بۇگىن اتالمىش ەل اعاسىنىڭ تۋعان كۇنى. وسى ورايدا مىنا ءبىر تۋىندىمدى نازارلارىڭىزعا ۇسىنۋدى ءجون دەپ شەشتىم. ەلىن سۇيگەن ەل سۇيگەن سىزدەي تۇلعا امان بولسىن: جاڭا جاسىڭىز قۇتتى بولسىن، اعا!
P.S: جاعىمپازدىق نەمەسە ساياسي استار ىزدەۋدىڭ قاجەتى جوق. شىنايى شىعارماشىلىق شابىتتان تۋعان ءان دەپ قابىلداڭىزدار!
ءسوزى: ايساۋلە بەيسەنحان قىزى
ءانى: قاينار قاتپاي
ورىنداعان: قاينار قاتپاي".
قامشى ءتىلشىسى ءانشى قاينار قاتپايعا قوڭىراۋ شالىپ تىلدەستى.
«شەكارانىڭ ار جاعىنان كەلگەن قازاقپىن. قىتايدىڭ قۇلجا قالاسىندا كىندىك قانىم تامعان. قازاقستانعا ورالۋ اتا-بابا ارمانى، ءوز قالاۋىمىز بولعاندىقتان 9 جىل بۇرىن اتامەكەنگە تابان تىرەدىم. قىتايدا جۇرسەك تە، ەلدەگى جاڭالىقتاردى قالت جىبەرمەي، باقىلاپ جۇرەتىنبىز. يمانعالي تاسماعامبەتوۆتىڭ اناسى ءدىلدا ماتاي قىزىنىڭ «اينالايىندارىم مەنىڭدى» وقىماعان جۇڭگو قازاعى كەمدە-كەم شىعار. ەلباسىنىڭ ەسىمىمەن قاتار قىتايدا يمانعالي نۇرعالي ۇلىنىڭ ەسىمى اسا زور قۇرمەتپەن ايتىلادى. سول كىسىگە دەگەن قۇرمەتىم، ريزاشىلىعىم رەتىندە 2 جىل بۇرىن ءان شىعارعان ەدىم. بەلگىلى ءبىر سەبەپتەرگە بايلانىستى ءان جارىققا كورمەدى. بيىل 62 جاسقا كەلگەن مەملەكەت قايراتكەرىنىڭ تۋعان كۇن اياسىندا توسىنسىي جاساعىم كەلدى»،-دەيدى ءانشى، سازگەر قاينار قاتپاي.
پىكىر قالدىرۋ