ق ر پرەزيدەنتىنىڭ بايانداماسىندا ايتىلعانداي وتاندىق اۆتوكولىكتەردى قولداۋ ماقساتىندا ۇلتتىق قوردىڭ ەسەبىنەن 20 ملرد. تەڭگە بولىنگەن بولاتىن. ونىڭ 15 ملرد. تەڭگەسى قازاقستاندا جيناقتالعان كولىك ماركالارىنىڭ نەسيەسىنە تيەسىلى ەكەنى بەلگىلى بولعان.

بۇل تۋرالى “قازاقستان دامۋ بانكىنىڭ” باسقارما ءتوراعاسى بولات جامىشيەۆ مالىمدەگەن.

ءتىپتى، 20 ساۋىردەن باستاپ ەلىمىزدىڭ قالالارىندا حالىققا جەڭىلدەتىلگەن پايىزبەن اۆتو نەسيەلەر بەرىلە باستاعان. ول ءۇشىن قازاقستاننىڭ حالىق بانكى (4 ملرد تەڭگە)، ەۋرازيالىق بانك (3 ملرد تەڭگە)، سبەربانك قازاقستان (2 ملرد تەڭگە)، بانك سەنتركرەديت (2 ملرد تەڭگە)، اتف بانك (2 ملرد تەڭگە) جانە ForteBank (2 ملرد تەڭگە) بولىمشەلەرىنە ءوتىنىش قالدىرۋ كەرەك ەدى.

جەڭىلدەتىلگەن اۆتو نەسيە باعدارلاماسى قولعا الىنعان ەكىنشى كۇنى-اق، بانكتەردە اقشا تاۋسىلىپ قالۋىنا بايلانىستى نەسيەگە ءوتىنىش قابىلداۋ توقتاتىلعان. بۇل تۋرالى «كولەسا» پورتالى حابارلاعان.

"بيپەك اۆتونىڭ" ديللەرلىك ورتالىقتارىنىڭ مالىمەتىنشە نەسيە تاراتۋشى بانكتەردىڭ باسىم كوپشىلىگى ءوتىنىش قابىلداۋدى توقتاتقان. ورتالىق مەنەدجەرلەرىنىڭ ايتۋىنشا، ءبىر عانا الماتى قالاسىنىڭ وزىندە ءبىر كۇننىڭ ىشىندە 1500-دەن استام ادامنان جەڭىلدەتىلگەن پايىزدىق اۆتو نەسيەگە ءوتىنىش قابىلدانعان. ال جالپى قورىتىندىدا الماتىلىقتارعا 4800-6000 وتاندىق اۆتوكولىك نەسيەگە بەرىلۋى ءتيىس بولاتىن. «الليۋر اۆتو» جانە Hyundai سالوندارىندا دا جاعداي وسىنداي.

ال ۇكىمەت ارنايى وتاندىق اۆتوكولىكتەردى قولداۋ ماقساتىندا حالىققا تومەن پايىزدىق نەسيەمەن ۇسىنعان اۆتوكولىكتەرگە قولى جەتپەي نەمەسە كەزەگى كەلمەي قالعاندار ءۇشىن تەك كۇتۋ عانا قالعان. ول ءۇشىن، بانك جانە نەسيە تالاپتارىنا ساي كەلمەيتىن ازاماتتاردىڭ ورىندارىن تولتىرۋ ءۇشىن، بانكتەر ەكىنشى تولقىنمەن ءوتىنىش قابىلدايتىندارىن ايتقان. نەمەسە جەڭىلدەتىلگەن پايىزدىق مولشەرمەن اۆتو نەسيەلەندىرۋدىڭ ەكىنشى تولقىنىن كۇتۋگە تۋرا كەلىپ تۇر.

نۇركەلدى ءابدىعاني ۇلى